45:24  LUC.  I-  26.  In  mense  autem  sexto  missus  est  angelus  Gabriel  a  Deo  in  urbem  Galilaeae,  cui  nomm  Nazmeth,  27.  Ad  virginem  desponsam  viro,  em  nomen  erat  Ioseph,  de  domo  David,  ac  nomen  virginis  Maria.  28.  Et  ingressus  angelus  ad  eam  dixit:  Ave,  gratiam  consequuta,  Dominus  tecum,  benedicta  tu  inter  mulieres.  29.  Illa  vero  quum  vidisset,  turbata  est  super  oratione  eius,  et  cogitabat,  qualis  esset  ista  salutatio.  30.  Et  ait  angelus  ei:  Ne  timeas,  Maria:  nacta  es  enim  gratiam  apud  Deum.  31.  Ecce  camipies  in  utero,  et  paries  filium,  et  vocabis  nomen  eius  Iesum.  32.  Hic  erit  magnus,  et  filius  altissimi  vocabitur,  et  dabit  illi  Dominus  Deus  solium  David  patris  ipsius,  33.  Begnabitque  super  domum  Iacob  in  aeternum,  et  regni  eius  non  erit  finis.  26.  In  mense  autem  sexto.  Mira  divini  consilii  oeconomia,  et  quae  a  communi  hominum  iudicio  valde  abhorret,  quod  nobilius  in  praecone  generationis  initium  Deus  esse  voluit  quam  in  filio  suo.  Vaticinium  de  Ioanne  in  templo  editum  passim  innotuit:  Christus  virgini  promittitur  in  obscuro  Iudaeae  oppido,  et  vaticinium  hoc  in  sinu  puellae  unius  sepultum  manet.  Sed  oportuit  scilicet  iam  a  Christi  natalibus  illud  impleri,  Quod  Deus  per  stultitiam  salvos  fecerit  credentes  (1.  Cor.  1,  21).  Thesaurum  vero  mysterii  huius  sic  apud  virginem  deposuit,  ut  tandem  suo  tempore  perveniret  ad  pios  omnes.  Contemptibilis,  fateor,  ista  custodiae  species,  sed  quae  tum  ad  probandam  fidei  humilitatem,  tum  arcendam  impiorum  superbiam  optima  fuit.  Nos  vero,  etiamsi  non  statim  ratio  appareat,  discamus  modeste  nos  Deo  subiicere,  nec  magistram  habere  pigeat,  quae  Christum,  aeternam  Dei  sapientiam,  utero  suo  gestavit.  Nihil  certe  magis  cavendum  quam  ut  fastidiose  contemptu  nos.privemus  incomparabilis  arcani  notitia,  quod  Deus  parvulis  et  docilibus  consulto  reconditum  esse  voluit.  Eadem  mihi  videtur  esse  causa,  cur  virginem  elegerit  viro  desponsam.  Figmentum  Origenis  nihil  habet  solidi,  id  fecisse  ut  Satanam  celaret,  quam  hominibus  salutem  dare  parabat.  Velum  ergo  coniugii  obtentum  fuit  coram  mundi  oculis,  ut  quem  vulgo  credebant  esse  filium  Ioseph,  pii  tandem  fide  agnoscerent  Dei  filium.  Non  ita  quidem  inglorius  prodiit  Christus,  quin  divinitatis  in  eo  gloriam  ab  initio  illustraverit  coelestis  Pater.  Angeli  enim  nuntiarunt,  natum  esse  salvatorem,  sed  vox  eorum  tantum  a  pastoribus  audita  non  longe  manavit.  Miraculum  unum  celebre  esse  potuit,  quod  passim  vulgarunt  magi,  qui  ab  oriente  venerant,  stellam  sibi  apparuisse  summi  regis  nati  testem.  Videmus  tamen,  ut  Deus  filium  suum  quasi  in  occulto  continuerit,  donec  veniret  tempus  plenae  manifestationis:  tunc  enim  quasi  theatrum  illi  erexit,  in  quo  conspicuus  foret  Participium  fjLsjivijaTeufiiivijV,  quo  utitur  evangelista,