44:24  stinguunt,  vox  diei  Iehovae  amara  vociferabitur,  aut  amare:  Postea  illic  fortis).  Hoc  versu  clarius  exprimit  propheta  quod  paulo  ante  dixi,  nempe  Deum  fore  autorem  omnium  cladium,  quae  Iudaeis  accident:  quia  dum  obstupescunt  homines  in  suis  malis,  magis  ac  magis  in  se  provocant  iram  Dei.  Haec  igitur  non  vulgaris  prudentia  est,  considerare  Dei  manum,  ubi  nos  percutit  vel  castigat.  Haec  ratio  est  cur  propheta  hic  revocet  Iudaeos  ad  Deum  ne  scilicet  defigant  sensus  suos  in  homines,  quemadmodum  fieri  solet.  Quanquam  simul  etiam  torporem  illis  excutit  quum  pronuntiat  diem  hunc  fore  terribilem,  deinde  iam  esse  propinquam.  Scimus  enim  hypocritas  Deo  illudere,  nisi  sentiant  gravitatem  irae  eius,  et  interea  extrahere  tempus,  et  sibi  promittere  tam  longas  inducias,  ut  nunquam  expergefiant  ad  poenitentiam.  Ideo  propheta  primo  loco  ostendit  quidquid  malorum  tunc  impendebat  Iudaeis,  non  esse  ab  hominibus  duntaxat,  sed  praecipue  a  Deo.  Hoc  unum  est:  deinde  ut  penitus  afficiat  stupidos  animos  dicit  hunc  diem  fore  terribilem:  postremo,  ne  se  blanditiis  fallant,  quasi  adhuc  procul  abesset  vindicta,  simul  asserit  diem  hunc  iam  instare.  Haec  tria  nobis  notanda  sunt,  ut  teneamus  prophetae  consilium,  sed  initio  versus  dicit  diem  Iehovae  magnum  instare.  His  tribus  verbis  tria  illa  quae  nuper  attigi,  complectitur.  Diem  Iehovae  nominando  significat  debere  adscribi  iudicio  eius  quidquid  Iudaei  patientur  malorum.  Quum  autem  diem  magnum  vocat,  terrorem  vult  incutere.  Tertio  dicit  esse  propinquum.  Ergo  videmus  comprehendi  tres  sententias  in  istis  tribus  verbis.  Sed  propheta  deinde  plenius  explicat  quod  poterat  obscurum  esse  propter  brevitatem  sermonis.  Propinquus,  inquit,  est  dies  hic  et  valde  festinans.  Scimus  ut  soleant  homines  tempus  extrahendo  fovere  sua  peccata.  Nam  etsi  non  possunt  effugere  omnem  sensum  pietatis,  vel  excutere:  tamen  fingunt  longam  esse  distantiam  inter  se  et  Deum  :  et  hac  imaginatione  sese  demulcent:  ideo  propheta  diem  hunc  propinquum  esse  affirmat.  Et  quia  vix  credibile  erat  instare  cladem,  de  qua  loquitur,  adiungit  diem  hunc  properare  celeriter:  quasi  diceret  non  debere  aestimari  ex  praesenti  rerum  statu  quid  facturus  sit  Deus,  quia  momento  pertransit  eius  ira  ab  oriente  usque  ad  occasum  sicuti  fulgur.  Homines  indigent  longa  praeparatione,  ubi  sese  volunt  ulcisci:  sed  Deus  non  opus  habet  multo  apparatu,  quia  sufficit  illi  sua  virtus  ad  omnes  reprobos  perdendos.  Nunc  ergo  videmus  cur  hoc  additum  fuerit  a  propheta,,  diem  hunc  celeriter  festinare.  Iam  repetit  hunc  diem  esse  Iehovae,  et  vocem  eius  amare  vociferari.  Recitavi  tres  sententias  interpretum.  Quidam  enim  sic  vertunt,  Dies  Domini  amara  illic  vociferabitur