42:24  contre  le  roy  de  Syrie,  a  cause  que  ce  roy  de  Syrie  avoit  fait  alliance  avec  eux,  mais  en  la  fin  quand  les  Romains  voient  qu'il  se  ioint  avec  Philippes  par  trahison,  et  que  sous  umbre  de  paix  il  veut  occuper  le  royaume  de  son  gendre,  ils  craignent  d'avoir  un  voisin  si  grand,  et  pourtant  ils  mettent  ordre  a  cet  affaire.  Or  cependant,  ce  roy  Antiochus  baille  au  roy  d'Egypte  la  fille  des  femmes  (comme  il  en  est  ici  parle),  c'est  a  dire,  une  fille  excellente,  mais  elle  ne  tiendra  pas  son  parti,  car  elle  aima  mieux  son  mari,  et  quitta  la  son  pere,  car  le  pere  la  trahissoit  malheureusement,  c'estoit  par  trahison  qu'il  l'avoit  baillee  au  roy  d'Egypte,  duquel  il  eust  voulu  avoir  la  vie,  le  bien,  et  le  royaume  et  tout:  Ainsi  donc  elle  est  prudente,  et  obeist  plustost  a  son  mari,  qu'elle  n'obeist  aux  trahisons  de  son  pere.  Or  voiant  qu'il  ne  faisoit  pas  ce  qu'il  avoit  entreprins  de  ce  coste  la,  il  est  dit,  qu'il  tournera  sa  face  vers  les  isles.  Or  quand  les  Iuifs  parlent  des  isles,  ils  entendent  tout  ce  qui  est  outre  leur  mer,  c'est  a  scavoir  la  mer  Mediterranee,  tellement  qu'ils  appelent  les  isles,  le  pays  de  Grece,  d'Italie,  et  autres  regions  qui  sont  outre  cette  mer  Mediterranee.  Et  en  prendra  plusieurs,  car  il  en  subiuga  estant  secouru  de  Philippes.  Et  un  prince  fera  cesser  son  opprobre  de  luy,  c'est  a  scavoir,  Lucius  Scipion,  qui  gaigna  la  bataille  contre  luy.  Et  tournera  sa  face  vers  les  forteresses  de  son  pays,  et  heurtera,  car  il  alla  aussi  vers  le  pays  de  Perse:  or  voila  quant  a  cette  histoire,  en  laquelle  nous  pouvons  contempler  toutes  choses  que  nous  avons  notees  par  ci  dessus,  il  reste  que  nous  en  puissions  faire  nostre  profit,  quand  nous  voions  telles  histoires,  que  nous  iettions  les  yeux  sur  ce  conseil  eternel  de  Dieu,  sur  sa  providence,  que  nous  ne  pensions  pas  que  rien  se  gouverne  par  fortune,  que  les  hommes  facent  rien  selon  leur  volonte,  mais  que  c'est  d'autant  que  Dieu  leur  permet,  que  nous  connoissions  donc  cela  nous  humilians  sous  la  main  forte  de  nostre  Dieu,  et  nous  laissans  gouverner  par  luy,  et  il  est  certain  qu'il  nous  conduira,  non  seulement  comme  son  peuple,  mais  comme  ses  enfans  bien-aiines.  Suivant  cette  saincte  doctrine,  nous-nous  prosternerons  devant  la  face  de  nostre  bon  Dieu,  etc.  SERMON  XXXVI  sur  le  Chap.  XI.  v.  14.19.  Combien  que  desia  nous  aions  parle  de  ces  histoires  qui  sont  ici  contenues,  neantmoins  il  nous  en  faut  refreschir  la  memoire,  pour  tirer  profit  de  ce  qui  est  ici  dit  par  le  prophete.  Quand  donc  nous  oions,  Que  plusieurs  s'esleveront  contre  le  roy  de  Midi,  entendons  que  c'est  pour  signifier  que  le