4:24  ou  bien  qu'ils  ayent  la  vraye  clarte  de  foy:  mais  pource  que  Dieu,  afin  de  les  tenir  convaincus  et  rendre  tant  plus  inexcusables,  s'insinue  en  leurs  entendemens,  voire  entant  que  sa  bonte  peut  estre  goustee  sans  l'Esprit  d'adoption.  Si  quelqu'un  replique  que  les  fideles  donc  n'auront  point  ou  s'asseurer,  et  ne  pourront  iuger  comment  ils  sont  adoptez  de  Dieu:  ie  respon,  combien  qu'il  y  ait  grande  similitude  et  affinite  entre  les  eleus  et  ceux  qui  ont  une  foy  caduque  et  transitoire,  que  toutesfois  la  fiance  dont  parle  sainct  Paul  (Gral.  4,*  6),  assavoir  d'oser  invoquer  Dieu  pour  Pere  a  pleine  bouche,  n'a  sa  vigueur  qu'aux  eleus.  Parquoy  comme  Dieu  regenere  les  eleus  seulement  a  perpetuite  par  la  semence  incorruptible,  et  ne  souffre  que  iamais  ceste  semence  *)  qu'il  a  plantee  en  leurs  coeurs  perisse:  aussi  il  n'y  a  doute  qu'il  ne  seelle  en  leurs  coeurs  d'une  facon  speciale  la  certitude  de  sa  grace,  2)  a  ce  qu'elle  leur  soit  plenement  ratifiee.  Mais  cela  n'empesche  point  que  le  sainct  Esprit  n'ait  quelque  operation  plus  basse  aux  reprouvez.  Cependant  les  fideles  sont  advertis  de  s'examiner  songneusement  et  en  humilite,  de  peur  qu'au  lieu  de  la  certitude  de  foy  qu'ils  doyvent  avoir,  il  ne  s'insinue  en  leur  coeur  quelque  presomption  de  la  chair  avec  nonchalance.  Il  y  a  un  autre  point:  c'est  que  les  reprouvez  ne  concoyvent  iamais  sentiment  de  la  grace  de  Dieu  qu'en  confus:  tellement  qu'ils  apprehendent  plustost  l'ombre  que  le  corps  et  la  substance,  pource  que  le  sainct  Esprit  ne  seelle  et  ne  cachette  proprement  la  remission  des  pechez  sinon  aux  eleus,  a  ce  qu'ils  en  ayent  une  fiance  particuliere  pour  en  faire  leur  profit.  Toutesfois  on  peut  dire  en  quelque  maniere,  que  les  reprouvez  croyent  que  Dieu  leur  soit  propice:  pource  qu'ils  acceptent  le  don  de  reconciliation,  combien  que  ce  soit  en  confus  et  sans  droite  resolution.  Non  pas  qu'ils  soyent  participans  avec  les  enfans  de  Dieu  d'une  mesme  foy  ou  regeneration  :  mais  pource  que  sous  la  couverture  d'hypocfrisie  il  semble  qu'ils  ayent  un  principe  de  foy  commun  avec  eux.  Ie  ne  nie  pas  que  Dieu  n'esclaire  leurs  entendemens  iusques  la,  de  leur  faire  cognoistre  sa  grace:  mais  il  distingue  tellement  ce  sentiment  qu'il  leur  donne,  d'avec  le  tesmoignage  s)  qu'il  engrave  aux  coeurs  de  ses  fideles,  que  la  fermete4)  et  vraye  efficace  qu'ont  les  fideles  est  tousiours  incognue  aux  autres.  Et  de  fait,  iamais  Dieu  ne  se  monstre  propice  aux  reprouvez,  comme  s'il  les  retiroit  de  la  mort  pour  les  prendre  en  sa  garde:  mais  seulement  leur  1)  Le  latin  ajoute:  vitae.  2)  de  sa  grace,  le  latin  porte  ;  adoptionis  suae  gratiam.  3)  le  tesmoignage,  le  latin:  peculiari  testimonio.  4)  que  la  fermete  .  .  .  .  autres,  le  latin  est  beaucoup  plus  clair:  ut  ad  solidum  effectum  et  fruitionem  non  perveniant  (scil.  reprobi).