35:24  long  temps  vescu  au  monde,  sont  enragez  en  leurs  superstitions,  et  qu'ils  combatent  fierement  contre  la  doctrine  de  l'Evangile:  nous  sommes  estonnez  de  cela.  Voire,  mais  voici  un  passage  qui  nous  doit  armer  contre  un  tel  scandale:  C'est  V  Esprit  de  Dieu  qui  habite  aux  hommes,  c'est  l'inspiration  du  Tout-puissant  qui  donne  intelligence.  Voyons-nous  les  hommes  estre  povres  aveugles,  et  tellement  plongez  en  ignorance,  qu'ils  ne  puissent  approcher  de  l'Evangile?  ne  nous  esbahissons  point  de  cela.  Et  pourquoi?  Car  c'est  le  naturel  de  l'homme,  de  ne  rien  iuger  des  secrets  de  Dieu  iusques  a  ce  qu'il  soit  illumine.  Mais  au  contraire  quand  nous  voyons  un  homme  qui  cognoist  que  c'est  de  Dieu,  soit  ieune  ou  vieil,  quand  nous  voyons  quelqu'un  ancien  qui  aura  este  long  temps  comme  abbruve  de  ces  sottises  papales,  qui  vient  a  la  droite  religion:  cognoissons  que  Dieu  a  fait  la  un  miracle.  Si  nous  voyons  aussi  les  ieunes  gens,  cognoissons  qu'il  faut  que  Dieu  les  attire  a  soi  d'une  facon  merveilleuse,  pource  qu'ils  ne  recoivent  pas  aisement  le  ioug,  d'autant  qu'ils  sont  pleins  de  presomption,  comme  nous  avons  dit.  Si  donc  Dieu  les  dompte,  et  qu'il  les  rende  dociles,  c'est  sa  main  vertueuse  qui  a  passe  par  la.  Ainsi,  nous  voyons  que  ce  passage  nous  doit  servir  en  deux  choses.  La  premiere  est,  que  voyans  que  de  nostre  esprit  nous  ne  saurions  iamais  parvenir  si  haut  que  de  cognoistre  Dieu  ne  sa  verite,  nous  soyons  vuides  de  tout  nostre  sens,  et  y  renoncions.  Et  c'est  ce  que  sainct  Paul  appelle  Estre  fait  fol.  Il  faut  donc  que  nous  soyons  faits  fols,  si  nous  voulons  que  nostre  Seigneur  nous  remplisse  de  sa  sagesse:  c'est  a  dire,  II  ne  faut  point  que  nous  apportions  rien  du  nostre,  que  nous  cuidions  avoir  ne  ceci  ne  cela:  car  ce  seroit  fermer  la  porte  a  Dieu.  Ainsi  donc  si  nous  voulons  que  Dieu  continue  la  grace  de  son  sainct  Esprit,  quand  ii  nons  en  aura  distribue  quelque  portion,  il  faut  que  nous  apprenions  de  l'exalter  et  magnifier  comme  il  en  est  digne,  et  cognoistre  qu'il  n'y  a  point  en  nous  une  seule  goutte  de  bonne  intelligence,  iusques  a,  ce  que  Dieu  l'y  ait  mise.  Et  puis,  que  cela  soit  pour  nous  tousiours  faire  persister  en  son  obeissance,  et  cheminer  en  plus  grande  crainte  et  solicitude:  voyans  que  si  Dieu  esteint  la  clarte  qu'il  a  mise  en  nous,  nous  serons  en  tenebres,  voire  et  en  des  tenebres  si  horribles,  que  nous  n'en  pourrons  iamais  sortir.  Voila  le  premier  usage  de  ce  lieu  ici.  Le  second  est  que  si  nous  voyons  la  plus  grande  multitude  du  monde  se  desbauche^  et  que  personne  a  grand'  peine  se  vueille  ranger  a  Dieu:  nous  ne  trouvions  point  estrange  que  les  hommes  soyent  ainsi  desbordez,  et  qu'ils  facent  des  bestes  sauvages.  Et  pourquoi?  Car  c'est  V  Esprit  de  Dieu  qui  donne  intelligence.  Que  cela  donc  nous  soit