33:24  24  sorte  que  tout  responde,  comme  Sainct  Paul  dit,  (1.  Cor.  3,  10)  qu'il  bastit  bien,  puis  qu'il  a  fonde  l'Eglise  sur  la  pure  doctrine  de  Iesus  Christ:  et  pourtant  qu'il  y  ait  une  telle  conformite,  que  ceux  qui  viendront  apres  luy,  ne  mettent  point  pour  fondement,  ny  paille,  ny  chaume,  ny  matiere  caducque:  mais  qu'il  y  ait  un  bon  fondement  ferme,  et  solide.  Ainsi  en  tout  nostre  vie  nous  avons  a  regarder  cela,  c'est  que  si  nous  sommes  fondez  en  bonne  raison  et  iuste,  il  faut  qu'un  chacun  soit  sur  ses  gardes  pour  ne  point  flechir,  ne  decliner  ne  ca  ne  la:  car  il  n'y  a  rien  plus  aise  que  de  pervertir  une  cause  qui  sera  bonne  et  iuste,  selon  que  nostre  nature  est  vicieuse,  et  nous  Pexperimentons  tous  les  coups.  Dieu  nous  aura  faict  la  grace  que  nostre  cause  sera  bonne,  et  toutesfois  nous  serons  picquez  par  nos  ennemis,  tellement  que  nous  ne  pourrons  pas  nous  tenir  dedans  nos  bornes,  et  ne  pourrons  pas  suyvre  simplement  ce  que  Dieu  nous  ordonne,  sans  y  adiouster  en  facon  que  ce  soit.  Voyans  donc  que  nous  sommes  ainsi  aisement  transportez,  d'autant  plus  devons  nous  prier  Dieu,  que  quand  nous  aurons  bonne  cause,  il  nous  conduise  par  son  Sainct  Esprit  en  tout  simplicite,  que  nous  ne  passions  point  les  limites,  qu'il  nous  a  constituez  par  sa  parole.  Or  cependant  aussi  nous  sommes  admonestez  de  ne  point  appliquer  la  verite  de  Dieu  a  mauvais  usage:  car  nous  la  prophanons  par  ce  moyen:  comme  ces  gens  icy,  encores  qu'ils  parlent  sainctement  (comme  desia  nous  avons  declare,  et  comme  nous  verrons  plus  a  plein)  si  est-ce  toutesfois  qu'ils  sont  sacrileges:  car  ils  corrompent  la  verite  de  Dieu,  et  en  abusent  faussement:  ils  appliquent  a  une  mauvaise  fin  ce  qui  est  bon,  et  iuste  de  soy.  Ainsi  donc  quand  Dieu  nous  a  donne  cognoissance  de  sa  parole,  apprenons  de  la  recevoir  en  telle  crainte,  que  ce  ne  soit  point  pour  obscurcir  le  bien,  ne  pour  donner  couleur  au  mal:  comme  souventesfois  ceux  qui  seront  les  plus  aigus,  et  les  plus  savans  se  lascheront  la  bride,  et  abuseront  de  la  cognoissance  que  Dieu  leur  a  donnee,  en  fraude,  en  malice,  et  renverseront  tout,  tellement  qu'ils  ne  feront  que  s'entortiller.  Voyans  que  le  monde  est  adonne  a  un  tel  vice  d'autant  plus  avons  nous  a  prier  Dieu,  qu'il  nous  face  la  grace  d'appliquer  sa  parole  a  un  tel  usage,  comme  il  entend,  c'est  a  scavoir  pur  et  simple.  Voila  ce  que  nous  avons  a  observer  en  somme.  Or  maintenant  puis  que  nous  entendons  ce  qui  est  au  livre,  nous  avons  a  poursuyvre  les  choses  plus  au  long,  en  sorte  que  ce  que  nous  avons  touche  en  brief,  nous  le  deduisions  selon  la  procedure  de  l'histoire.  Il  est  dit:  Qu'il  y  a  eu  un  homme  en  la  terre  de  Hus,  nomme  Iob,  homme  entier,  et  droit,  et  craignant  Dieu,  et  se  retirant  du  mal.  Nous  ne  pouvons  pas,  et  ne  savons  deviner  en  quel  temps  a  vescu  Iob,  sinon  qu'on  peut  appercevoir,  qu'il  a