31:24  comme  escholes  publiques.  Brief,  cependant  que  i'avoye  tousiours  ce  but  de  vivre  en  prive  sans  estre  cognu,  Dieu  m'a  tellement  proumene  et  fait  tournoyer  par  divers  changemens,  que  toutesfois  il  ne  m'a  iamais  laisse  de  repos  en  lieu  quelconque,  iusques  a  ce  que  maugre  mon  naturel  il  m'a  produit  en  lumiere,  et  fait  venir  en  ieu,  comme  on  dit.  Et  de  faict,  laissant  le  pays  de  France  ie  m'en  veins  en  Allemaigne  de  propos  delibere,  afin  que  la  ie  peusse  vivre  a  requoy  en  quelque  coin  incognu,  comme  i'avoye  tousiours  desire.  Mais  voyci,  pource  que  cependant  que  ie  demeuroye  a  Basle,  estant  la  comme  cache  et  cognu  de  peu  de  gens,  on  brusla  en  France  plusieurs  fideles  et  saincts  personnages,  et  que  le  bruit  en  estant  venu  aux  nations  estranges,  ces  bruslemens  furent  trouvez  fort  mauvais  par  une  grand'  partie  des  Allemans,  tellement  qu'ils  conceurent  un  despit  contre  les  autheurs  de  telle  tyrannie  :  pour  l'appaiser,  on  feit  courir  certains  petis  livres  mal-heureux  et  pleins  de  mensonges,  qu'on  ne  traittoit  ainsi  cruellement  autres  qu'Anabaptistes  et  gens  seditieux,  qui  par  leurs  resveries  et  fausses  opinions  renversoyent  non  seulement  la  religion,  mais  aussi  tout  ordre  politique.  Lors  moy  voyant  que  ces  prattiqueurs  de  Cour  par  leurs  desguisemens  taschoyent  de  faire  non  seulement  que  l'indignite  de  ceste  effusion  du  sang  innocent  demeurast  ensevelie  par  les  faux  blasmes  et  calomnies  desquelles  ils  chargeoyent  les  saincts  Martyrs  apres  leur  mort,  mais  aussi  que  par  apres  il  y  eust  moyen  de  proceder  a  toute  extremite  de  meurtrir  les  povres  fideles,  sans  que  personne  en  peust  avoir  compassion,  il  me  sembla  que  sinon  que  ie  m'y  opposasse  vertueusement,  entant  qu'en  moy  estoit,  ie  ne  pouvoye  m'excuser  qu'en  me  taisant  ie  ne  fusse  trouve  lasche  et  desloyal.  Et  ce  fut  la  cause  qui  m'incita  a  publier  mon  Institution  de  la  religion  Chrestienne:  premierement  afin  de  respondre  a  ces  meschans  blasmes  que  les  autres  semoyent,  et  en  purger  mes  freres,  desquels  la  mort  estoit  precieuse  en  la  presence  du  Seigneur  :  puis  apres  afin  que  d'autant  que  les  mesmes  cruautez  pouvoyent  bien  tost  apres  estre  exercees  contre  beaucoup  de  povres  personnes,  les  nations  estranges  fussent  pour  le  moins  touchees  de  quelque  compassion  et  solicitude  pour  iceux.  Car  ie  ne  mis  pas  lors  en  lumiere  le  livre  tel  qu'il  est  maintenant  copieux  et  de  grand  labeur,  mais  c'estoit  seulement  un  petit  livret  contenant  sommairement  les  principales  matieres:  et  non  a  autre  intention,  sinon  afin  qu'on  fust  adverti  quelle  foy  tenoyent  ceux  lesquels  ie  voyoye  que  ces  meschans  et  desloyaux  flatteurs  diffamoyent  vilenement  et  malheureusement.  O  r  que  ie  n'eusse  point  ce  but  de  me  monstrer  et  acquerir  bruit,  ie  le  donnay  bien  cognoistre,  par