29:24  iuste  en  cela.  Que  dirons-nous,  sinon  que  nous  devons  trembler?  Car  il  n'y  a  celuy  de  nous  qui  n'en  merite  cent  fois  autant:  si  Dieu  nous  espargne,  ne  sommes-nous  point  autant  obligez  a  sa  bonte?  Et  quand  il  nous  voudra  traitter  selon  nos  offenses,  ne  faut-il  point  que  nous  craignions  un  traittement  beaucoup  plus  rude  que  celuy  que  nous  voyons  en  ces  petis  enfans?  Il  est  bien  certain.  Ainsi  donc  au  lieu  que  beaucoup  se  rebecquent,  et  qu'ils  entrent  en  ces  questions  curieuses,  voire  avec  une  audace  diabolique,  pour  contreroler  Dieu,  comme  desia  nous  avons  dit:  que  nous  soyons  advertis  de  nous  humilier,  et  en  telle  sorte  qu'apres  que  nous  aurons  donne  gloire  a  Dieu,  confessant  que  tousiours  il  est  iuste  et  equitable:  que  nous  regardions  ce  que  nous  avons  merite,  afin  d'attribuer  a  sa  misericorde  gratuite  ce  qu'il  nous  supporte,  et  estre  tant  plus  incitez  de  nous  reduire  a  luy,  tellement  que  nous  n'abusions  pas  plus  long  temps  de  sa  patience.  Voila  donc  ce  que  nous  avons  a  retenir  de  ce  passage,  quand  Dieu  dit  qu'il  consommera  mesmes  les  petis  enfans  qui  allaittent.  Or  il  adiouste  puis  apres  :  Teusse  dit  ou  determine  d'exterminer  ce  peuple,  si  ie  n'eusse  craint  l'irritation  de  l'ennemi,  que  Vadversaire  ne  se  fust  estrange,  et  qu'il  eust  dit:  Nostre  main  est  haute,  ce  n'est  pas  le  Seigneur  qui  a  fait  tout  ceci.  Nostre  Seigneur  en  ce  passage  monstre  que  tant  s'en  faut  qu'il  exerce  telle  rigueur  sur  son  peuple,  qu'il  passe  mesure,  que  plustost  il  a  encores  un  autre  regard  pour  ne  les  point  raser  du  tout:  c'est  afin  que  les  incredules  n'ayent  point  occasion  de  blasphemer.  Voila  donc  l'intention  de  Moyse.  On  se  plaindra  de  Dieu,  on  dira  que  ce  n'est  pas  ainsi  qu'il  devoit  traitter  son  peuple,  qu'il  devoit  user  de  plus  grande  humanite  et  douceur.  Voire  (dit-il)  plaidez  vostre  cause:  mais  vous  ne  la  gagnerez  point  :  car  si  Dieu  n'eust  regarde  qu'a  vous,  desia  de  long  temps  il  vous  eust  extermine  de  ce  monde,  et  la  memoire  en  fust  abolie.  A  qui  a-il  tenu  donc?  Ce  n'est  pas  que  vous  ne  fussiez  dignes  de  perir,  quand  vous  n'avez  cesse  de  provoquer  son  ire  en  mal  faisant  :  mais  Dieu  a  regarde  (dit-il)  plustost  a  vos  ennemis,  c'est  a  dire,  aux  incredules.  Et  pourquoy?  Car  si  Dieu  eust  rase  ce  peuple,  lequel  il  avoit  esleu,  pource  que  ie  renom  estoit  par  toute  ia  terre,  que  ceste  redemption  d'Egypte  estoit  une  chose  si  miraculeuse:  et  que  tousiours  le  peuple  faisoit  profession  d'adorer  le  Dieu  qui  l'avoit  ainsi  retire  des  abysmes:  quand  donc  il  l'eust  fait  perir,  les  meschans  n'eussent-ils  pas  eu  la  bouche  ouverte  pour  se  mocquer  de  la  religion  qui  avoit  este  tenue  en  Iudee:  Et  ou  est  le  Dieu,  qui  les  a  maintenus  si  long  temps,  comme  ils  disoyent?  ou  il  faut  qu'il  soit  endormi,  ou  qu'il  ait  perdu  tout  le  sens:  car  il  ne  les  secoure  plus.  Voila  donc  comme  les  incredules  eussent  blaspheme