28:24  tout  cela:  car  c'est  une  creature  irraisonnable.  Or  ce  n'est  point  ainsi  des  hommes.  Car  quand  ils  sont  parvenus  en  aage  de  liberte,  encores  faut-il  qu'ils  soyent  conduits  et  gouvernez  par  conseil,  et  que  les  peres  et  les  meres  leur  monstrent  ce  qu'ils  doivent  faire,  quand  ils  auront  failli.  Cela  n'est  pas  necessaire  aux  bestes:  mais  si  est-ce  que  les  bestes  s'acquittent  de  leur  devoir,  iusques  a  tant  que  les  petis  sont  exemptez  de  leur  charge.  Or  puis  qu'ainsi  est,  que  sera-ce  donc  des  hommes?  Or  recourons  a  ce  qui  est  ici  contenu:  Tu  ne  prendras  point  la  mere  quand  elle  sera  sur  ses  petis.  Et  pourquoy  ?,  Ie  voy  la  une  mere  qui  couve  ses  petis,  elle  se  laisseroit  plustost  manger  de  vermine  (comme  on  le  void)  que  d'abandonner  ses  petis:  elle  est  la  comme  en  torture,  et  rien  ne  luy  couste.  Pourquoy?  Elle  a  une  telle  solicitude  de  ses  petis,  qu'elle  s'oublie  pour  eux.  Si  on  luy  demande  la  raison,  il  n'y  en  a  point:  mais  c'est  une  inclination  et  un  mouvement  naturel:  que  Dieu  a  mis  ceste  impression  -  la  aux  oiseaux,  que  quand  ils  voyent  leurs  petis,  il  leur  semble  que  cela  leur  est  plus  precieux  que  leur  propre  vie.  Et  combien  que  ce  leur  soit  une  chose  penible,  de  demeurer  la  en  une  telle  solicitude,  si  est-ce  qu'ils  y  vont  d'un  courage  alegre.  Or  quand  nous  contemplons  cela,  n'est-ce  pas  autant  comme  si  nous  voyons  une  peinture,  ou  Dieu  nous  monstrast  nostre  devoir?  Que  les  peres  sont  la  admonnestez,  qu'ils  doivent  travailler  songneusement  pour  leurs  enfans.  Et  s'ils  doivent  avoir  le  soin  de  les  nourrir  et  substanter,  que  les  meres  aussi  doivent  s'employer  a  cela  en  leur  endroict,  sachant  que  c'est  un  service  agreable  a  Dieu,  quand  elles  prendront  ainsi  peine,  ayant  esgard  que  Dieu  les  a  obligees  a  telle  condition,  et  qu'il  faut  qu'elles  s'y  assuiettissent  volontairement,  et  d'une  affection  franche  et  liberale.  Quand  donc  nous  voyons  une  image  de  nostre  office,  et  que  nostre  Seigneur  nous  monstre  quasi  au  doigt  ce  que  doivent  et  peres  et  meres  a  leurs  enfans,  et  nous  irons  destruire  cela:  n'est-ce  pas  autant  comme  si  un  enfant  brusloit  son  livre?  Quand  on  luy  aura  achete  un  livre  pour  aller  a  l'eschole:  s'il  le  deschire,  ne  sera-il  point  chastie?  Quand  donc  nous  bruslerons  le  livre  que  nostre  Seigneur  nous  monstre,  et  qu'a  nostre  escient  nous  effacerons  cest  ordre  qu'il  a  mis  en  nature:  et  qu'il  faudra  qu'une  povre  beste,,  pour  s'estre  la  astrainte  a  une  telle  necessite,  afin  de  s'acquitter  d'un  devoir  paternel  et  maternel,  qu'elle  meure  entre  nos  mains,  que  nous  en  serons  les  bourreaux:  et  ou  sera-ce  aller?  Il  est  vray  que  Dieu  nous  a  donne  les  oiseaux  pour  nostre  pasture:  comme  nous  savons  qu'il  a  cree  tout  le  monde  pour  nous.  Mais  cependant  que  nous  serons  si  cruels,  de  n'espargner  point  les  povres  bestes,  lors  qu'elles  sont  comme  en  la  sauvegarde  de  Dieu,  qu'elles,