27:24  sonne?  qu'il  ouvre  les  cieux,  afin  de  nous  testifier  qu'il  nous  aime,  nous  qui  luy  faisons  la  guerre,  nous  qui  luy  devons  estre  detestables:  neantmoins  qu'il  nous  veut  recevoir  en  son  amour,  et  qu'il  nous  la  veut  faire  sentir  par  effect?  Mais  quoy?  nous  croupissons  en  nos  ordures,  et  sommes  la  comme  empuantis,  ce  nous  est  tout  un  :  et  voila  qui  est  cause  d'un  tel  mespris  de  l'Evangile,  et  d'une  ingratitude  telle  qu'on  la  voit  quasi  par  tout  le  monde:  mais  cependant  si  faut-il  que  les  fidelles  apprehendent  que  ceci  vaut,  c'est  assavoir  que  Dieu  les  recoive  a-  merci,  et  qu'il  se  monstre  leur  pere,  et  que  ceux  qui  sont  constituez  pour  annoncer  ia  parolle,  soyent  comme  tesmoins  pour  declairer  que  Dieu  nous  porte  une  telle  affection  d'amour.  Il  est  vray  que  ceci  a  este  accompli  par  nostre  Seigneur  Iesus  Christ:  car  il  a  este  le  Sacrificateur  unique:  et  ce  que  nous  faisons,  n'est  point  pour  usurper  son  office,  mais  c'est  seulement  pour  approuver  et  ratifier  ce  qu'il  a  fait.  Et  ainsi  notons  bien  que  c'est  a  nostre  Seigneur  Iesus  de  nous  estre  tesmoin  de  l'amour  de  Dieu  son  Pere:  mais  il  nous  le  testifie  par  la  bouche  de  ceux  qui  nous  annoncent  l'Evangile  en  son  nom.  Cependant  il  a  este  declaire,  que  ce  qui  nous  est  figure  sous  la  Loy,  a  este  accompli  en  sa  personne:  car  ies  sacrificateurs  en  benissant  le  peuple  avoyent  ceste  ceremonie  solennelle,  de  lever  les  mains  comme  s'ils  eussent  fait  une  offrande  a  Dieu  de  tout  le  peuple.  Iesus  Christ,  quand  il  est  monte  au  ciel,  a  use  de  cela,  quand  il  a  esleve  les  mains,  afin  de  benir  ses  disciples,  et  en  leurs  personnes  il  a  prononce  une  benediction  generale  sur  tout  le  corps  de  son  Eglise.  Nous  voyons  donc  que  les  figures  de  la  Loy  auiourd'huy  nous  appartiennent,  non  point  quant  a  leur  usage  exterieur:  mais  quant  a  la  substance,  et  verite.  Cependant  nous  sommes  advertis  de  nous  adresser  a  nostre  Seigneur  Iesus  Christ,  lequel  nous  apporte  l'accomplissement  de  toutes  choses.  Sachons  aussi  combien  qu'il  ne  converse  point  auiourd'huy  au  monde  pour  nous  benir:  si  est-ce  qu'il  veut  que  nous  soyons  faits  participans  de  ceste  benediction-la  par  le  moyen  de  l'Evangile,  quand  il  nous  est  presche.  Voila  en  somme  ce  que  nous  avons  a  retenir  de  ce  passage.  Or  Moyse  adiouste:  Que  Dieu  n'a  point  donne  portion  aux  Levites  entre  leurs  freres:  mais  qu'il  a  voulu  estre  leur  portion,  et  heritage.  Voire,  mais  cependant  il  leur  a  assigne  les  decimes,  et  les  premices,  comme  il  en  est  traitte  au  quatriesme  livre  de  Moyse.  Dieu  donc  leur  a  assigne  portion  en  telle  sorte  qu'ils  n'ont  point  possede  de  terre,  ni  d'heritage,  il  n'ont  eu  que  leurs  villes,  et  les  fauxbourgs  pour  leur  bestial  :  mais  cependant  ils  ont  prins  les  decimes  de  tout  le  peuple,  et  les  premices,  et  tout  le  reste  semblable.  En  ceci  Dieu  a  regarde,  que  ceux  qu'il  dedioit  a  son  service,  fussent