25:24  infirmitate  lapsus,  leviter  et  inconsiderate  delinquat,  non  dicetur  sprevisse  Dei  legem,  et  irritum  fecisse  eius  foedus.  Et  certe  probabile  est,  Deum  consulto  de  crassa  defectione  loquutum  esse,  quae  erroris  praetextu  extenuari  nequeat.  Interea  tamen  tenendum  est  transgressores,  quicunque,  sive  in  totum,  sive  in  parte  legem  violaverint,  maledictioni  esse  obnoxios.  Sed  tempestive  monere  voluit  Deus  populum,  quorsum  tandem  prosiliant  qui  sumunt  peccandi  licentiam  :  deinde  ex  quo  fonte  prodeant  omnes  transgressiones.  Etsi  enim  quisquis  peccando  a  via  recedit,  non  protinus  legem  repudiat,  vel  abominatur:  singula  tamen  peccata  contemptum  legis  coarguunt,  ac  tendunt  ad  dissipandum  Dei  foedus.  Recte  ergo  pronunciat  foedifragos  esse,  et  superbos  contemptores,  nisi  praeceptis  obediant.  Primo  autem  minatur  se  consumpturum  illos  timore,  tabe,  et  aliis  morbis:  deinde  externas  calamitates  adiungit,  penuriam  annonae,  violentos  hostium  incursus,  et  rerum  direptionem:  de^quibus  statim  fusius  disserere  conveniet,  inter  exponendum  Deuteronomii  locum.  18.  Quod  si  usque  ad  haec.  Poenarum  gradus  quarum  hic  fit  mentio,  ostendunt  eas  ita  temperari  Dei  clementia,  ut  leviter  tantum  castiget  quorum  nondum  expertus  est  vel  socordiam  vel  duritiem  :  verum  ubi  accedit  pertinacia,  simul  atrocitatem  poenarum  crescere.  Et  merito,  quia  bellum  apertum  cum  Deo  gerunt  qui  admoniti  resipiscere  non  curant.  Itaque  quo  magis  sibi  moderatur,  eo  nos  attentiores  esse  decet  ad  eius  correctiones,  ut  sufficiant  vel  modici  ictus,  quos  pro  sua  lenitate  sustinet  ac  tolerat.  Paulus  dicit  hypocritas  coacervare  sibi  thesaurum  maioris  vindictae,  si  ex  eius  patientia  torpendi  occasionem  sumunt  (Rom.  2,  5).  Atqui  minus  sunt  excusabiles  qui  ne  ferulis  quidem  admoniti  resipiscunt.  Quare  nos  sollicitet  illa  Davidis  admonitio  (Ps.  32,  9),  ne  simus  similes  equis  et  mulis,  qui  non  intelligunt,  quorum  maxilla  chamo  et  fraeno  constringitur  :  quia  multi  dolores  impendent  reprobis.  In  summa,  simulac  manum  suam  extendere  coeperit  Deus  ad  nos  percutiendos,  unum  remedium  eius  placandi  est,  docilitas.  Melior  quidem  esset  prudentia  antevertere,  et  sponte  ad  ipsum  redire,  quamvis  a  poenis  supersedeat:  sed  ubi  percussi  nihil  proficimus,  signum  est  obstinatae  malitiae.  Minatur  ergo,  nisi  ferulis  verberati  resipiscant,  baculo  ad  eos  percutiendos  se  usurum.  Quum  dicit:  Puniam  vos  septuplo  gravius,  numerum  non  definit:  sed  pro  communi  scripturae  more  septenarium  ponit,  amplificandi  causa.  Proximo  versu  iustam  esse  causam  docet  cur  asperior  futurus  sit:  quia  nis-i  violento  modo  nequeant  domari.  Etsi  enim  nomen  \)tti  non  semper  accipitur  in  malam  partem,  hoc  tamen  loco  significat  eos  esse  immorigeros,  quia  viribus  suis  ad  superbiendum  inflantur.  Nam  sicuti