21:24  24  ci  apres  quelque  remede  a  son  ignorance  sophistique,  apres  avoir  fait  autant  de  scandales  et  de  maux  qu'il  a  peu  es  Eglises  circonvoisines,  se  voyant  par  trois  fois  dechasse  des  terres  des  Seigneurs  de  Berne,  a  la  fin  estant  intolerable  a  chacun,  a  donne  gloire  [page  6]  a  Dieu  recognoissant  ses  erreurs,  et  surtout  sa  mauvaise  conscience  a  Orleans  en  plein  Synode  general  des  Eglises  Francoises  l'an  1562,  tellement  qu'on  en  esperoit  quelque  chose4  Mais  depuis  estant  reprins  d'un  mesme  mauvais  esprit  est  retourne  a  ses  premieres  erres,  et  dechasse  de  tous,  comme  il  en  est  digne,  sert  encores  aujourd'huy  par  tous  les  lieux  ou  il  se  pourmene  de  tesmoignage  de  Tire  de  Dieu  contre  ceux  qui  resistent  a  Verite.  Peu  de  temps  apres  se  declarerent  quelques  demeurans  [fol.  2]  de  Servetistes,  comme  un  certain  Iurisconsulto  de  ces  quartiers  qui  depuis  pour  mesme  cause  fut  chasse  de  l'Universite  de  Tubingue  par  le  tresillustre  Duc  de  Wirtemberg,  et  pour  avoir  continue  en  ses  blasphemes  chastie  par  prison,  et  receu  a  se  desdire  par  iugement  desdits  Seigneurs  de  Berne.  Avec  cestuy-la  s'estoit  ligue  un  certain  Calabrois  nomme  Valentin  Gentil,  un  autre  de  Sardaigne,  un  Piemontois  nomme  Iean  Paule  Alciat,  un  medecin  de  Saluces  nomme  George  Blandrata.  Ceux-ci  besongnoyent  sous  terre  comme  ils  pouvoyent,  semans  leurs  blasphemes  contre  les  trois  Personnes  en  une  Essence  divine,  iusques  a  ce  que  ce  fidele  serviteur  de  Dieu  s'y  estant  oppose,  les  uns  s'esvanouirent,  les  autres  ayans  recognu  leurs  blasphemes  [page  7]  en  ont  demande  merci  a  Dieu  et  a  la  Seigneurie.  Mais  peu  apres  les  malheureux  contre  leur  serment  retournez  a  leurs  blasphemes  se  sont  avec  leurs  complices  en  la  fin  retrouvez  en  Pologne,  la  ou  ils  ont  fait  et  font  encores  auiourd'huy  infinis  troubles.  Si  ontils  iusques  au  lieu  ou  ils  sont  senti  et  aperceu  que  valoit  la  force  du  fidele  serviteur  de  Dieu  dont  nous  parlons,  par  les  escrits  duquel  les  Eglises  de  Pologne  ont  este  tellement  fortifiees  que  les  fideles  en  ont  este  grandement  affermis  et  les  ennemis  de  verite  tellement  affoiblis  qu'avec  l'aide  de  Dieu  leur  ruine  en  est  prochaine.  Voila  les  principaux  combats  qu'il  a  endurez  par  dedans  pour  la  doctrine,  beaucoup  plus  difficiles  a  soustenir  qu'a  les  dire:  comme  les  livres  en  feront  foy  a  la  posterite.  Car  quant  aux  autres  ennemis  ils  l'ont  tousiours  assailli  de  loin  mais  non  pas  de  si  loin  qu'il  ne  les  ait  atteints  de  plus  pres  qu'ils  n'eussent  voulu.  Ses  doctes  escrits  contre  les  Anabaptistes  et  Libertins  en  peuvent  faire  suffisante  preuve,  Quant  a  ce  grand  Goliath  Pighius,  qui  est  ce  qui  l'a  abbatu  luy  et  son  Pelagianisme  que  la  puissance  du  Seigneur  en  la  main  de  Calvin?  Qui  a