19:24  en  luy  supplee  et  recompense  bien  l'aage.  Iceluy  ayant  receu  letres  de  ses  parens  (par  lesquelles  ils  desirent  qu'il  les  aille  veoir)  il  est  en  deliberation  de  faire  le  voyage,  ce  que  on  ne  luy  peut  accorder  a  cause  que  son  eglise  demourant  sans  pasteur  durant  le  temps  qu'il  seroit  absent,  il  y  auroit  grand  danger,  attendu  mesme  qu'ils  ont  gaigne  le  temple,  la  ou  tout  le  peuple  du  lieu  s'assemble.  Or  s'il  absentoit  le  lieu  tant  peu  que  ce  soit,  il  y  auroit  grand  danger  que  le  loup,  qui  est  comme  chasse,  ne  retornast  au  parc  pour  faire  plus  de  mal  aux  povres  brebis  que  par  avant.  Ie  desireroye  que  nostre  cher  et  desire  frere  maistre  Iaques  Sorel,*)  qui  a  apourte  les  letres,  eust  sceu,  avant  que  de  les  envoyer  a  loysi,  la  teneur  d'icelles,  car  i'estime  qu'il  ne  les  eust  envoye,  considerant  le  peril.  Si  le  dict  Mre  Ieremie  va  par  devers  vous,  il  vous  declarera  mieux  de  vive  voix  les  choses  que  ie  ne  les  vous  puis  escire  par  papier  et  par  encre.  Ie  vous  prie,  s'il  va  a  vous,  exhortez  le  de  revenir  incontinent  a  son  eglise.  Quant  a  Mre  Iaques  Sorel  ie  n'ay  entendu  aultre  chose  de  luy  sinon  qu'il  est  a  Troyes.  Ie  croy  qu'il  ny  sera  sans  grand  fruict.  Ie  luy  ay  escri  par  un  de  noz  anciens,  qui  partit  dimanche  dernier  pour  aller  audit  Troyes,  pour  conferer  avec  ceux  de  l'eglise  d'ilec  de  quelque  affaire  que  nous  avons  regarde  pour  le  bien  et  avancement  de  nos  eglises.  Nous  n'avons  faute  que  de  bons  pasteurs  pour  dresser  et  garnir  des  eglises:  si  nous  en  avions  iusqu'a  dix  ou  douze  il  y  auroit  bien  de  l'oeuvre  assez  pour  eux.  Pleust  au  seigneur  que  le  val  de  Rux  fust  rempli  de  tels  personnages  que  Mre  Ieremie  Valee,  pour  nous  en  fornir  iusqu'au  nombre  de  cinq  cens.  Car  on  les  garderoit  bien  destre  oisifz,  attendu  la  grande  moisson  qui  est  preste  a  cuillir.  Or  le  seigneur  de  la  moisson  en  envoyera  comme  nous  esperons,  tant  y  a  qu'ilz  sont  de  grande  requeste  et  bien  cherement  gardez.  Nous  allasmes  au  synode  qui  fust  tenu  dernierement  en  la  grande  cite5)  le  16e  iour  du  mois  de  septembre  dernier  passe.  Mais  entre  les  autres  articles  qui  furent  traictes  on  traicta  le  l'avancement  du  royaume  de  christ  et  la  dessus  il  fut  declaire  que  requestes  avoient  este  faictes  a  l'eglise  de  ladicte  grande  cite  pour  avoir  des  pasteurs  iusqu'au  nombre  de  80.  Ie  vous  laisse  a  penser  si  en  ce  lieu  on  en  demande  tant  qui  n'est  qu'un  petit  coint  de  la  France  que  peut  il  estre  de  tout  le  royaume.  Ie  puis  dire  hardiment  que  s'il  y  avoit  auiourd'huy  1000  hommes  dedies  et  disposez  au  a)  N.  3519.  5)  Paris  (et  non  Troyes  comme  le  pense  la  note  de  M.  Baum).