11:24  Erasmus,4)  unus  ex  ministris  Tigurinis.  Apud  eum  placide  et  comiter  expostulavimus.  Illi  ne  verbo  quidem  satisfacere  curarunt,  sed  aliquanto  post  non  sine  ipsorum  conscientia  Bibliander  scripsit  ad  Sturmium  falsa  suspicione  nos  torqueri.  Bullingeri  enim  consilium  fuisse,  non  Bucerum  perstringere,  sed  eos  qui  ex  agro  Wirtembergensi  concordiae  accessissent,6)  quia  professi  essent,  sibi  non  semper  rectam  coenae  intelligentiam  constitisse.  Bucero  autem  ipsi  in  faciem  Tiguri  esse  dicta,  quae  dicenda  videbantur.  Itaque  non  est  quod  nobiscum  agatur,  perinde  ac  si  per  nos  steterit,  quominus  optime  conveniret,  vel  stet  etiam  hodie  quominus  optima  fide  reconciliemur.  Atque,  ut  verius  loquar,  nos  illis  amici  esse  non  desinimus,  utcunque  illi  hostiliter  nos  tractent.  Si  scias  qua  moderatione6)  se  gerant  nostri,  pudeat  te  plus  aliquid  ab  ipsis  petere.  Uruntur  boni  viri,  si  quis  Lutherum  audet  praeferre  Zuinglio.  Quasi  evangelium  nobis  pereat,  si  quid  Zuinglio  decedit.  Neque  tamen  in  eo  fit  ulla  Zuinglio  iniuria;  nam  si  inter  se  comparantur,  scis  ipse  quanto  intervallo  Lutherus  excellat.  Itaque  mihi  minime  placuit  Zebedaei  carmen7)  in  quo  non  putabat  se  pro  dignitate  laudare  Zuinglium,  nisi  diceret:  Maiorem  sperare  nefas.  Quum  cineribus8)  et  umbris  maledicere  inhumanum  habetur,  tum  vero  de  tanto  viro  non  honorifice  sentire  impium  certe  esset.  Verum  est  aliquis  modus  in  laudando,  a  quo  ille  procul  discessit.  Ego  certe  tantum  abest  quin  illi  assentiar,  ut  maiores  multos  nunc  videam,  aliquos  sperem,  omnes  cupiam.  Quaeso,  mi  Farelle,  si  quis  ita  Lutherum  extulisset,  nonne  Tigurini  quiritarentur  prostratum  esse  Zuinglium?  Stulte,  inquies.  Quasi  vero  qui  Luthero  favent,  omnes  sapiant.  Sed  haec  tibi  in  aurem  dicta.  Caroli  negotio  toties  retractando  ego  quoque  4)  Simlerus  hunc  Fabritmm  appellat,  sane  suo  iure.  Certe  non  confundendus  cum  Leonis  Iudae  nepote,  Ioanne  Fabritio,  tunc  admodum  iuvene,  postea  Curiae  ministro.  5)  Schenckium  Ulmensem  notat.  6)  certe  non  maxima,  addit  Simlerus  in  margine.  7)  Ad  haec  illustranda  facit  ep.  Bud.  Gualiheri  Tur  icensis  ad  Bullingerum  d.  Laus.  12.  Dec.  1539  quam  praebent  Archiv.  Turic.  olim  Kasten  B.  Epp.  VII.  P.  L  nunc  Plut  VI.  vol  113  f.  1033  ubi  inter  alia  haec  leguntur:  Est  Orbae  vir  doctus  natione  Geldrus,  And.  Zebedaeus  nomine,  qui  nunc  verbi  ministrum  agit.  Qui  quum  hisce  diebus  in  carmina  quaedam  germana  incidisset  quibus  Capnionis,  Oecolampadii,  Erasmi,  Lutheri,  Zwinglii  laudes  continebantur  eadem  latinis  hisce  versibus  expressit,  quos  quum  mire  elegantes  cernerem  etiam  illo  non  invito  ad  te  mittendos  existimavi  DE  ZWINGLIO  Maiorem  sperare  nefas:  fortasse  petendum  Ut  dent  vel  unum  saecula  nostra  parem.  Os  doctum,  pectus  sincerum,  spiritus  acer,  Unius  in  laudes  incubuere  Dei.  8)  Apographa  male  habent:  viventibus.