1:24  [CO  1.  24]  alia  nebulonum  portenta  excitavit,  quibus  eam  obscuraret  et  tandem  extingueret.  Et  nunc  utraque  machina  [OS  34]  ipsam  tentare  perseverat.  Si  quidem  et  verum  illud  semen  vi  ac  manu  hominum  evellere  conatur,  et  suis  zizaniis  (quantum  in  se  est)  nititur  occaecare,  ne  crescat,  et  fructum  reddat.  Id  tamen  ipsum  frustra,  si  monitorem [p. 35]  Dominum  audimus,  qui  et  eius  artes  multo  ante  nobis  aperuit,  ne  incautos  deprehenderet,  et  contra  omnes  eius  machinas  satis  firmis  praesidiis  armavit.  Caeterum,  in  ipsum  Dei  verbum  invidiam  conferre,  aut  seditionum  quas  improbi  et  rebelles,  aut  sectarum,  quas  impostores  contra  excitant,  quanta  est  malignitas?  Novum  tamen  exemplum  non  est.  Interrogabatur  Elias  (i  Reg.  18),  an  non  is  esset  qui  turbabat  Israel,  Christus  seditiosus  Iudaeis  erat  (Luc.  23.  Ioan.  19),  Apostolis  crimen  impingebatur  commotionis  popularis  (Act.  24).  Quid  aliud  agunt,  qui  hodie  omnes  turbas,  tumultus,  contentiones,  quae  in  nos  ebulliunt,  nobis  imputant?  Talibus  autem  quid  respondendum  sit,  docuit  nos  Elias:  nos  non  esse,  qui  vel  errores  spargimus,  vel  tumultus  commovemus,  sed  eos  ipsos,  qui  Dei  virtuti  obluctantur.  Verum  ut  illud  unum  ad  retundendam  eorum  temeritatem  satis  est,  ita  rursum  aliorum  imbecillitati  occurrendum  est,  quos  talibus  offendiculis  commoveri,  ac  perturbatos [p. 36]  vacillare,  non  raro  contigit.  Ii  vero  ne  hac  perturbatione  labascant,  ac  de  gradu  deiiciantur,  sciant  eadem  expertos  esse  suo  saeculo  Apostolos,  quae  nunc  usu  nobis  veniunt.  Erant  indocti  et  instabiles,  qui  ad  suam  ipsorum  perniciem  depravarent,  quae  a  Paulo  divinitus  scripta  erant,  ut  ait  Petrus  (2  Petr.  ult.).  Erant  Dei  contemptores,  qui  cum  audiebant  abundasse  peccatum,  ut  gratia  exundaret,  statim  ingerebant:  manebimus  in  peccato,  ut  gratia  abundet  (Rom.  6).  Cum  audiebant  :  fideles  non  esse  sub  lege,  protinus  occinebant:  peccabimus,  quia  non  sumus  sub  lege,  sed  sub  gratia  (Rom.  3).  Erant,  qui  illum  mali  suasorem  arguebant  (1  Cor.  1),  subintrabant  multi  pseudoapostoli,  qui  diruerent  ecclesias,  quas  ipse  aedificaverat  (2  Cor.  l  l  .  Gal.  1).  Quidam  per  invidiam  et  contentionem  nec  sincere  Evangelium  praedicabant,  malitiose  etiam  cogitantes