50:239  239  EPIST.  PAULI  AD  GALATAS  240  fuisse:  nec  minus  puerile  Chrysostomi  commentum  philosophantis  in  nominum  congruentia.  Agar  enim  Sina  esse  dicitur,  quia  typus  sit  vel  figura:  quemadmodum  pascha  erat  Christus.  Situm  etiam  montis  per  contemptum  exprimit.  In  Arabia,  inquit,  hoc  est,  extra  limites  terrae  sanctae,  quae  symbolum  est  aeternae  haereditatis.  Mirum,  in  tam  familiari  applicatione  adeo  fuisse  erratum.  Exadverso  autem  respondet.  Pro  quo  vetus  interpres  reddidit  coniunctus  est:  Erasmus,  confinis:  ego  vitandae  obscuritatis  causa  sic  transtuli.  Certum  est  enim  non  de  propinquitate,  nec  situ  locorum  hic  apostolum  sensisse,  sed  de  similitudine,  in  figura  quam  tractat.  26a>TQtxa  enim  dicuntur  quae  ita  sunt  ordine  collocata,  ut  mutuum  inter  se  respectum  habeant:  et  auatot)(ia  tam  in  arboribus  quam  in  aliis  est  composita  ad  iustam  proportionem  series.  Eodem  ergo  sensu  dixit  montem  Sina  ouarocxetv  ei  quae  nunc  est  Ierusalem,  quo  Aristoteles  rhetoricam  esse  dialecticae  avxcaxpo^ov  scribit,  metaphora  a  lyricis  sumpta,  quibus  moris  erat  exadverso  statuere  partes  duas,  quarum  una  alteri  in  concentu  responderet.  In  summa  auoxotxetv  nihil  aliud  est  quam  coordinari,  ut  ita  loquar.  Verum  cur  praesentem  Ierusalem  componit  cum  monte  Sina?  Tametsi  aliquando  fui  in  'contraria  opinione,  assentior  tamen  Chrysostomo  et  Ambrosio,  qui  de  terrena  Ierusalem  exponunt:  et  quidem,  ut  tunc  ad  servilem  doctrinam  et  cultum  degeneraverat.  Ideo  dicit  quae  nunc  est.  Debuerat  enim  viva  esse  imago  coelestis  Ierusalem  et  illius  ingenium  exprimere.  Sed  qualis  nunc  est,  inquit,  relationem  habet  ad  montem  Sina.  Tametsi  locorum  intervallis  distant,  sunt  tamen  prorsus  similes,  et  habent  inter  se  perfectam  symmetriam.  Est  gravissima  exprobratio  adversus  Iudaeos,  qui  a  gratia  excidissent  matremque  haberent  non  Saram,  sed  adulterinam  Ierusalem,  gemellam  sororem  Agar  :  proinde  servi  ex  serva  nati,  quamlibet  superciliose  iactarent  se  Abrahae  filios.  26.  Quae  autem  sursum  est.  Coelestem  vocat,  non  quae  coelo  sit  inclusa,  non  quae  sit  quaerenda  extra  mundum.  "Est  enim  diffusa  ecclesia  per  totum  orbem  et  in  terra  peregrinatur.  Cur  ergo  ��e  coelo  esse  dicitur?  quia  originem  habet  a  gratia  coelesti.  Non  enim  ex  carne  et  sanguine  filii  Dei  nascuntur,  sed  spiritus  sancti  virtute.  Ierusalem  ergo  coelestis  quae  principium  e  coelo  habet,  et  fide  sursum  habitat,  illa  est  fidelium  mater.  Habet  enim  semen  vitae  incorruptibile  apud  se  depositum,  quo  nos  format,  fovet  in  utero,  edit  in  lucem.  Habet  eadem  lac  et  cibum,  quo  procreatos  perpetuo  alit.  En  cur  ecclesia  vocetur  fidelium  mater.  Et  sane  qui  recusat  esse  ecclesiae  filius,  Deum  frustra  patrem  habere  expetit.  Neque  enim  nisi  per  ecclesiae  ministerium  Deus  sibi  filios  generat  et  tollit  donec  adolescant