20:239  239  EPISTOLAE  4070-4072  240  visus  fuit  ut  commiseratione  dignum  putem  quod  non  in  praeceptorem  meliorem  inciderit.  Memini  praeterea  nos,  ut  tunc  tempus  ferebat,  de  bello  Gallico  sermones  varios  contulisse,  et  inter  alia  confessionis  mentionem  factam  fuisse,  quam  per  legatos  suos  ecclesiae  Gallicae  Francofurti  Principibus  obtulere.  Eam  quum  a  nobis  adhuc  visam  esse  negarem,  subiunxit  Balduinus,  vix  aliam  esse  posse  quam  quae  cum  Augustana  conveniat.  Ibi  quum  me  de  vobis  meliora  sperare  dicerem  quam  ut  in  veritatis  confessione  quidquam  mutaturos  putem,  maxime  hoc  tempore  quando  de  animarum  salute  tanto  cum  multorum  et  communis  patriae  periculo  agatur,  respondit  ille:  An  ergo  non  meministis  quid  olim  Heidelbergae  et  Wormatiae  Beza  fecerit,  et  qualis  fuerit  confessio  illa  cuius  exemplum  ad  vos  tunc  misi?  Ibi  ego  erratum  quidem  nonnihil  dicebam,  sed  simul  tuam  ingenuitatem  commendare  coepi,  qui  admonitus  ea  de  re  amice  nos  tuleris  et  paratus  fueris  mentem  tuam  quamprimum  publico  scripto  exponere,  ne  qua  daretur  ex  obscuris  loquutionibus  occasio  scandali  infirmis.  Hinc  ille  calumniandi  occasionem  nactus  in  libro  suo  nobis  tribuit  quae  ab  ipso  dicta  sunt,  aut  quae  fortassis  intra  animum  suum  cogitavit,  quum  ea  apud  tui  amantes  effutire  non  auderet.  Et  hoc  est  nostrum  illud  colloquium  ex  quo  ille  contra  te  argumenta  petit,  ut  te  ubique  locorum  male  audire  probet,  et  eadem  opera  fratres  et  amicos  tibi  suspectos  reddat.  Fuerunt  nobiscum  in  eadem  mensa  cum  Navarreni  filio  Frisius2)  noster  et  CeMarius  medicus,  qui  si  quid  huius  ex  me  audiverunt  quod  Balduinus  garrit,  ego  illum  virum  bonum,  me  vero  quavis  infamiae  nota  dignum  esse  fatebor.  Agnosco  tamen  culpam  in  me  aliquam,  quod  tam  stultus  fuerim  ut  me  absque  periculo  cum  homine  inconstante  et  verae  fidei  abnegatore  versari  posse  existimaverim.  Rursus  non  suo  fructu  caruit  hoc  nostrum  colloquium.  Quum  enim  videam  quam  bona  fide  recitaverit  quae  inter  nos  gesta  sunt,  de  toto  eius  scripto  rectius  iudicare  possum,  quem  totum  similibus  figmentis  constare  mihi  plane  persuasi.  Quod  si  nihil  gravius  afferat  quam  paucula  quae  ad  nos  misisti  folia  continent,  indignus  eat  cui  respondeatur,  et  propter  quem  bonae  horae  male  collocentur.  Video  enim  pios  homines  iam  dudum  satietatem  cepisse  contentionum  quae  inter  doctos  iam  aliquot  annos  arserunt,  et  te  plus  profecturum  puto  si  omissis  rabulis  studia  graviora  continues.  Audio  tamen  Balduinum  cum  Cassandro  mirifica  quaedam  de  ecclesiasticis  traditionibus  protulisse  in  nova  quam  nuper  ediderunt  farragine  3)  :  2)  Io.  Friess,  ludimagister  Turicensis  f  1565.  3)  N.  4072.