9:238  quieta  illis  maneat  status  sui  possessio,  Lutheri  magnanimitatem  multis  elogiis  praedicant.  Quod  ego  libenter  patior:  modo  ne  tam  praeclari  doctoris  nomine  perperam  et  indigne  abuterentur  in  suum  commodum,  vel  potius  ad  suam  libidinem.  Si  quid  vitii  permixtum  fuit  summis  Lutheri  virtutibus,  sepultum  esse  velim.  Certe  quaecunque  fuerunt  ne  ea  exagitem,  donorum  quibus  praeditus  fuit  reverentia  et  amor  me  retinet:  vitia  autem  pro  virtutibus  exosculari,  stultae  et  praeposterae  affectationis  est.  Minus  etiam  excusabilis  inconsiderati  zeli  fervor,  quod  scripturam  turpiter  et  pudendum  in  modum  corrumpunt,  ut  Ioannis  Baptistae  [pag.  288]  spoliis  Lutherum  exornent.  Quamvis  enim  non  negent  etiam  in  Ioanne  Baptista  factum  esse  quod  de  venturo  Elia  praedixerat  Malachias,  volunt  tamen  de  Luthero  intelligi  hoc  vaticinium:  quia  sit  Elias  ille,  per  quem  restituenda  fuerint  omnia:  et  quod  in  Ioanne  Baptista  semel  factum  est,  non  obscure,  tam  prophetae  quam  Christi  testimonio,  in  Luthero  fuisse  iterandum.  Qua  falsitate  non  minus  foedarunt  Lutheri  nomen,  quam  Aegyptii  Ieremiae  corpus,  sepulcrum  eius  adorando.  Atque  ut  Eliae  nomen  concedatur  Luthero,  sacrilegae  tamen  est  temeritatis,  asserere  ultimum  Eliam,  ac  si  praecisa  esset  Deo  manus,  ne  quem  vel  praestantiorem  vel  parem  posthac  emittat.  Nam  quo  oraculo  illis  patefactum  est,  in  unius  hominis  persona  sic  exhaustos  vel  imminutos  esse  potentiae  Dei  thesauros,  ut  nemo  similis  prodeat  ex  illa  immensa  et  incomprehensibili  scaturigine?  Nec  dubito  [pag.  289]  quin  data  opera  vesanos  istos  praecones  Satan  excitet,  ut  profanis  et  nasutis  hominibus  suppetat,  quam  captant,  maledicendi  occasio.  Atque  utinam  non  minus  in  toto  scripto  quam  in  verbo  uno  mutila  fuisset  eius  manus,  qui  attestari  non  potuit,  nisi  per  unum  T  I  1)  Nam  quum  Lutherus  principium  hoc  semper  tenuerit,  nec  sibi,  nec  cuiquam  mortalium  fas  esse,  nisi  ex  verbo  Dei  sapere,  mirandum  ac  dolendum  est,  tam  imperiose  eius  placitis  ecclesiam  Dei  astringi.  Negabunt  hoc  sibi  esse  in  animo.  Paulisper  ergo  quiescat  Lutheri  nomen,  donec  sedata  placidaque  ratione  causam  egerimus.  Quod  a  falsis  doctoribus  cavendum  esse  monent,  ego  quoque  recipio:  nec  alio  tendunt  nostrae  admonitiones,  nisi  ut  a  pestifero  eorum  delirio  sibi  caveant  filii  Dei.  Caeterum  de  re  ipsa  quid?  magistraliter  pronunciant  se  non  symbolice  nec  metonymice  accipere  Christi  verba:  Hoc  est  corpus  meum:  sed  ut  sonant  [pag.  290]  relinquere  in  nativo  suo  sensu.  Ego  metonymiam  subesse  dico,  quia  non  1)  Epistolae  modo  memoratae  ad  Westphalum  subscripserunt  Christianus  Haveman  et  Ioannes  T.  A.  quem  tamen  Timannum  Amsterodamum  pastorem  Bremensem  fuisse  ex  altera  epistola  luculentissime  patet