7:238  misere,  et  la  terre  maudicte,  et  tout  ce  qu'elle  produisoit.  L'homme  a  este  tourne  en  vanite.  Icy  voyons-nous  quelle  mortification  enseignent  ces  gallans:  1)  c'est  que  l'homme  se  laisse  mener  selon  son  appetit,  sans  faire  conscience  de  rien.  Car  alors,  selon  leur  opinion,  Dieu  besongne  en  nous,  quand  nous  ne  disons  plus  l'oeuvre  estre  nostre.  Nous  voyons  aussi  encores  ce  blaspheme  reitere,  qu'il  faut  oster  tout  scrupule:  et  que  c'est  la  toute  leur  innocence,  de  fermer  les  yeux  pour  ne  plus  voir  ne  bien  ne  mal:  qui  est  le  comble  de  toute  iniquite,  comme  dict  Salomon  (Prov.  28,  5).  Et  sainct  Paul  aussi  apres  luy,  disant,  que  c'est  un  signe  que  l'homme  est  du  tout  abandonne  de  Dieu,  quand  il  n'a  point  [page  218]  de  doleance  ne  compunction  (Ephes.  4,  19).  D'avantage  il  faut  noter,  comment  il  renverse  tout,  quand  il  met  l'origine  du  mal  et  de  la  perdition  de  l'homme,  en  ce  qu'il  a  veu  sa  vergongne.  2)  Comme  ainsi  soit  que  son  mal  soit  venu  de  l'infidelite  et  desobeissance  qu'il  commist:  et  que  ceste  congnoissance  de  sa  vergongne  fut  une  punition  suyvante,  laquelle  toutesfois  nostre  Seigneur  luy  a  converty  a  salut.  On  voit  donc  quelle  impudence  c'est  a  ce  villain,  de  dire  il  a  veu  le  peche  et  pourtant  le  peche  luy  a  este  impute.  Car  au  contraire  ce  qu'il  a  veu  le  peche,  a  este  son  commencement  d'obtenir  grace:  comme  a  la  verite  il  est  requis  que  le  pecheur  se  condamne,  pour  avoir  pardon  de  Dieu.  Et  de  faict  que  deviendra  autrement  la  penitence,  laquelle  tous  Chrestiens  doyvent  mediter  iusque  a  la  mort?  Au  reste  il  faut  encores  noter  une  autre  malice.  C'est  que  d'Adam  et  du  serpent  il  n'en  faict  qu'un,  selon  leur  doctrine,  laquelle  porte  que  le  peche,  le  diable,  le  monde,  l'ame  vivante  [page  219]  de  l'homme,  et  le  cuider  ne  sont  que  une  chose.  Il  s'ensuit:  Parquoy  laissons  le  viel  Adam,  c'est  a  dire,  nostre  ame  vivante,  et  venons  a  plus  grande  chose,  c'est  a  l'esprit.  Car  il  fut  dict  a  Adam  qu'il  mourroit  Et  aussi  est  il  mort  Maintenant  nous  sommes  vivifier  avec  le  second  Adam  qui  est  Christ,  ne  plus  voyant  le  peche,  pourveu3)  qu'il  est  mort  Car  du  peche  est  faict  grace  par  nostre  Pere  en  Iesus  Christ  Dont  nous  viendroit  donc  ceste  paour  et  crainte  de  mort  ne  d'enfer  deiette?  Dequoy  les  peut  on  ainsi  bouter  en  erreur,  les  abusez  qui  ne  sont  tous  que  vanite.  On  voit  icy  comment  ces  serpens  tournent  le  mot  de  vieil  homme,  et  le  mot  d'esprit.  Car  au  1)  ganeones.  2)  quum  sui  ipsius  pudere  coepit.  3)  pource  1611.