51:238  sicuti  in  aliis  caritatis  officiis,  ita  in  precibus  prima  debeat  esse  cura  sanctorum.  19.  Et  pro  me.  Peculiariter  sui  memores  in  precibus  Ephesios  esset  iubet.  Unde  colligimus  neminem  tanta  donorum  affluentia  pollere,  qui  non  opus  habeat  tali  fratrum  subsidio,  quamdiu  in  hoc  mundo  degit.  Quis  enim  hac  necessitate  potius  eximetur  quam  Paulus?  et  tamen  fratrum  preces  implorat.  Neque  id  per  simulationem:  sed  quia  serio  cuperet  adiuvari.  Nunc  audiamus  quid  sua  causa  peti  velit:  nempe  ut  sibi  detur  apertio  oris.  Quid  ergo?  an  obmutescebat,  vel  metu  impediebatur  a  confessione  evangelii?  Minime.  Sed  metuendum  erat  ne  praeclare  exorsus,  in  posterum  deficeret.  Adde  quod  tanto  zelo  ardebat  asserendi  evangelii,  ut  sibi  nunquam  satisfaceret.  Et  sane  si  reputemus  quae  sit  negotii  dignitas  et  magnitudo,  longe  impares  nos  omnes  esse  fatebimur.  Ideo  postea  adiungit,  quemadmodum  opoi^tet  me  loqui:  significans  opus  esse  rarae  virtutis  evangelio  testimonium  reddere  quale  oportet.  Expende  autem  singula  verba.  Dicit  cum  fiducia:  quod  significat  timorem  obstare  nostrae  libertati  quominus  pleno  ore  et  intrepida  lingua  praedicemus  Christum.  Contra  autem,  liberam  et  minime  fucatam  confessionem  a  Christi  ministris  requiri.  Neque  enim  optat  astute  respondendi,  vel  potius  cavillandi  sibi  dari  facultatem:  ut  ambagibus  adversarios  eludat.  Os  apertum  cupit,  quod  erumpat  in  liquidam  et  firmam  confessionem.  Ore  enim  semiclauso  proferuntur  ambigua  et  perplexa  responsa.  Ergo  in  a  p  e  r  t  i  o  n  e  o  r  i  s  :  hoc  est,  tanta  libertate,  quae  nullam  formidinem  sapiat.  Sed  videtur  hoc  incredulitatis  signum  fuisse  in  Paulo,  quod  quasi  de  constantia  sua  dubitans  aliorum  intercessionem  implorat.  Non  ita  est.  Neque  enim  alienum  a  Dei  voluntate  remedium  quaerit,  aut  eius  verbo  minus  consentaneum,  quod  faciunt  increduli:  sed  tantum  iis  subsidiis  nititur,  quae  sibi  a  Domino  concessa  adeoque  promissa  et  commendata  esse  videt.  Iubet  Dominus  ut  alii  vicissim  pro  aliis  orent  fideles.  Hinc  ad  singulos  redit  non  exigua  consolatio,  quod  salutis  suae  curam  reliquis  mandari  audiunt:  et  habent  autorem  Deum,  ut  sciant,  non  frustra  pro  se  ab  aliis  fundi  preces.  An  fas  esset  recusare  quod  illis  offertur  a  Domino?  Sufficere  quidem  hoc  debebat,  quod  certus  est  unusquisque  ex  Dei  promissione  se,  quoties  oraverit,  exauditum  iri.  Verum  si  ad  cumulum  suae  liberalitatis  hoc  quoque  addere  Deus  voluerit,  alios  pro  nobis  precantes  se  exauditurum:  an  repudianda  foret  istae  eius  liberalitas:  ac  non  potius  obviis  ulnis  avide  amplectenda?  Meminerimus  ergo,  Paulum  non  diffidentia  vel  dubitatione  impulsum  confugere  ad  fraternas  intercessiones:  sed  ideo  cupide  eas  expetere,  quia  nihil  quod  sibi  a  Domino  datum  esset  praetermittere  volebat.  Ridiculi  ergo  papistae,