47:238  filium,  qui  de  se  ipso  loquebatur:  sed  haec  minus  recepta.  7.  Dixit  ergo  rursum  illis  Iesus:  Amen,  amen  dico  vobis,  quod  ego  sum  ostium  ovium.  8.  Omnes,  qui  ante  me  venerunt,  fures  sunt  et  latrones:  sed  non  audierunt  eos  oves.  9.  JEgo  sum  ostium,  per  me  si  quis  ingrediatur,  servabitur:  et  ingredietur  et  egredietur,  et  pabulum  inveniet.  10.  Fur  non  venit,  nisi  ut  furetur  et  mactet  et  perdat:  ego  veni,  ut  vitam  habeant  et  abundantius  habeant.  7.  Ego  sum  ostium.  Nisi  addita  fuisset  haec  expositio,  tota  oratio  allegorica  erat.  Nunc  quod  praecipuum  erat  in  similitudine,  clarius  exponit,  quum  se  ostium  esse  affirmat.  Summa  autem  est  ut  diximus,  totius  spiritualis  doctrinae,  qua  animae  pascuntur,  caput  in  ipso  contineri.  Unde  et  Paulus,  unus  pastorum.  Nihil  scire  operae  pretium  duxit  nisi  Iesum  Christum  (1.  Cor.  2,  2).  Perinde  autem  valet  haec  loquutio,  ac  si  se  unum  esse  testatus  foret  Christus,  ad  quem  aggregari  nos  oportet.  Itaque  omnes,  qui  salutem  appetunt,  invitat  et  hortatur  ut  ad  se  veniant:  quibus  verbis  significat  frustra  circumire,  quicunque  eo  relicto  ad  Deum  contendunt,  quia  nonnisi  ianua  una  pateat,  aliunde  vero  obstructi  sint  omnes  accessus.  8.  Omnes  qui  ante  me.  Ad  verbum  est,  Omnes  quotquot.  Qui  autem  hoc  ad  Iudam  Galilaeum  et  similes  restringunt,  longe  meo  iudicio  discedunt  a  mente  Christi:  nam  generaliter  falsas  omnes  doctrinas  evangelio,  et  omnes  pseudoprophetas  piis  doctoribus  opponit.  Quin  etiam  usque  ad  gentes  non  absurde  extenditur  haec  sententia,  quod  quicunque  ab  initio  mundi  se  professi  sunt  esse  doctores,  nec  studuerunt  oves  ad  Christum  colligere,  hoc  titulo  abusi  sint  ad  perdendas  animas.  Caeterum  hoc  ad  Mosen  et  prophetas  minime  pertinet,  quibus  nihil  aliud  propositum  fuit  quam  ut  Christi  regnum  stabilirent.  Notandum  enim  est,  Christi  verbis  res  oppositas  inter  se  conferri.  Atqui  inter  legem  et  evangelii  doctrinam  adeo  nihil  dissidii  reperietur,  ut  lex  nihil  aliud  sit  quam  ad  evangelium  praeparatio.  In  summa,  testatur  Christus  doctrinas  omnes,  quibus  ab  eo  mundus  abductus  fuerat,  totidem  fuisse  mortiferas  pestes,  quia  extra  ipsum  nonnisi  exitialis  et  horrenda  sit  dissipatio.  Interea  videmus  quanti  sit  apud  Deum,  et  quanti  a  nobis  fieri  debeat  antiquitas,  quoties  veluti  in  certamen  cum  Christo  committitur.  Ne  quis  enim  moveatur  quod  saeculis  omnibus  exstiterunt  doctores,  quibus  nihil  minus  curae  fuit  quam  ad  Christum  homines  dirigere,  nominatim  Christus  ipse  exprimit  nihil  referre,  quam  multi  fuerint  tales,  vel  quam  pridem  emergere  coeperint:  quia  hoc  considerandum  sit,  unicam  esse