9:237  237  AD  WESTPHALUM,  238  ut  omnia  sibi  arrogent,  guttam  spiritus  non  relinquunt  Christi  servis,  ex  quorum  tamen  laboribus,  si  qua  ipsi  praediti  essent  docilitatis  gutta,  proficere  debebant.  Durior  tamen  calumnia  est  quod  addunt,  contra  conscientiam  nos  veritati  resistere,  cuius  ut  iniquitas  toti  mundo  nota  sit,  te  Christe  fili  Dei,  summe  [pag.  285]  mundi  iudex,  cuius  imperium  diabolis  ipsis  formidabile  est,  appello,  ut  nunc  et  in  illo  die  palam  facias,  tantusne  unquam  furor  animo  meo  obrepserit,  ut  doctrinam  tuam  ullo  mendacio  vel  corruptela  inficerem.  Quod  si  ab  hoc  crimine  purum  et  remotissimum  esse  vides,  imo  mihi  fidus  es  testis,  sincere  et  ex  animo  profiteri  quam  ex  sacrosancto  evangelio  tuo  didici  fidem,  ut  diabolicam  istorum  hominum  maledicentiam  compescas,  quos  vel  sua  pertinacia  vel  fastus  sic  excaecat  ut  pervertant  omne  discrimen.  Nunc  rursus  ad  vos,  pii  lectores,  sermonem  converto,  quos  omnes  obtestor,  ne  tinnitu  illo,  quo  gloriantur  Magdeburgenses,  sensus  vestros  obstupefieri  sinatis.  Haec  vox  in  eorum  linguis  assidue  resonat,  Don  esse  disputandum,  ubi  Christus  unicus  magister  ac  doctor  quid  credendum  sit  clare  docuit,  non  esse  litigandum,  ubi  idem  [pag,  286]  summus  iudex  protulit  apertam  sententiam.  Nempe  quia  nec  quidquam  in  nos  magis  odiosum,  nec  sibi  magis  plausibile  fore  viderit,  quam  si  persuadeant  imperitis,  non  posse  de  hoc  mysterio  moveri  quaestionem,  quin  labascat  Christi  autoritas.  Eiusdem  artificii  est,  quod  subinde  clamitant  non  minore  periculo  audiri  humanam  rationem,  quam  si  quis  meretriculae  blanditiis  illectus,  se  in  exitiales  laqueos  coniiciat.  Atque  haec  quidem  licet  conciliandi  favoris  causa  linguis  personent,  metuendum  tamen  nobis  non  est,  quin  fucos  istos  statim  abstergat  rei  cognitio.  Ideoque  nihil  aliud  nobis  optandum,  quam  ut  iudicium  ex  ipsa  causa  facere  omnes  sustineant.  Illic  vero  statim  occurret,  non  alia  de  causa  Christi  verbis  interpretationem  nos  quaerere,  nisi  quia  seria  eorum  reverentia  cordibus  nostris  insidet:  ratione  quoque  humana  valere  iussa,  erectis  supra  mundum  mentibus,  mysterii  huius  altitudinem,  qua  decet  fide  suspicere,  [pag.  287]  et  admiratione  prosequi.  Itaque  discussis  fumis,  quibus  perstringi  simplicium  oculos,  ne  ad  ullam  disquisitionem  penetrent,  iniquissimum  est,  facile  evanescet  falsa  invidia,  in  qua  totius  suae  defensionis  summam  locant  adversarii.  IAM  quid  suo  loco  afferunt  Bremenses?  *)  Ut  1)  Magdeburgensium  vestigia  legunt  in  Westphali  syngrammate  Bremenses,  quorum  exhibetur  Admonitio  et  Contestatio  ad  suam  plebem  de  constantia  in  agnita  veritate  evangelii  cavendisque  fermentis  seductorum  et  phanaticorum  (H  5  .  K  3),  tum  epistolae  duae,  altera  ad  Westphalum,  altera  ad  ministerium  Hamburgense,  denique  Confessio  de  coena  Domini  (L.  4  v.  .  M.  1).