6:237  DE  LIBERO  ARBITRIO.  sae  gravitate  alienus:  etiamsi  eius  dignitati  minus  undecunque  respondeat.  Quo  tamen,  comparatis  inter  se  meis  et  illius  scriptis,  facilius  ac  certius  iudicium  facere  queant  lectores,  et  quasi  rerum  summas  digito  notare,  ordinem  ac  dispositionem,  quam  ipse  observavit  in  suo  opere,  sequar.  Tantum  hoc  erit  discriminis:  quod  quum  venditare  se  magnifico  verborum  apparatu  volueiit,  ego  compendio  ac  simplicitati,  quoad  licebit,  studebo:  deinde  quum  thrasonico  suo  fastu,  ac  virulentis  in  nos  conviciis  multas  paginas  occupaverit,  in  hoc  quoque  genere  libenter  illi  [pag.  6]  cedam.  Nihil  enim  vel  Christi  gloriae  decedere,  vel  bonorum  existimationi  obesse  puto,  si  Pighius  disertus  conviciator  et  sit,  et  vocetur  :  modo  simul  omnes  intelligant,  eum  furiosa  partim  maledicendi  libidine,  partim  atra  bili,  vel  potius  mania  percitum,  huc  illuc  nullo  delectu  raptari.  Ac  principio  quae  in  sua  ad  Sadoletum  epistola  tractat,  tametsi  non  sunt  huius  quaestionis  propria,  quia  tamen  ad  praegravandam  nostram  causam  spectant,  obiter  expendamus.  Miratur  ac  deplorat  Pighius  Germaniae  suae  stuporem,  quae  potuerit  ad  doctrinam  nostram  commoveri.  Nos  enim  negotium  aggredi  longe  difficilius,  quam  olim  fecerint  apostoli:  deinde  absurdissima  docere,  et  quidquid  olim  alienum  a  vera  pietatis  regula  commenti  sint  haeretipi,  ab  inferis  revocare  :  imo  superare  omnium  deliramenta  :  et  tamen  nihil,  vel  in  speciem  habere,  quod  falso  saltem  splendore  homines  possit  fallere.  Neque  enim  vel  doctrina,  vel  facundia,  vel  sanctitate  vitae  excellere,  quae  hominum  attentionem  excitare  debeat.  Atque  ut  hoc  melius  amplificet,  ostendit  quam  inepta  sit  ac  praepostera  nostra  agendi  ratio.  Respondeo  breviter,  nimis  stupidum  esse  Pighium,  qui  non  agnoscat  illustre  ac  manifestum  es^e  divinae  potentiae  miraculum,  quod,  velit  nolit,  mirari  cogitur.  Nam  quo  nos  minus  bene  comparati  instructique  sumus  ad  tantum  tamque  arduum  opus,  eo  magis  perspicua  elucet  Dei  virtus,  quae  per  nostram  infirmitatem  totum  orbem  concutit.  Quod  si  istae  Pighii  querimoniae  in  apostolorum  tempus  conferantur,  dicas  Porphyrium,  aut  aliquem  aliuml)  ex  illa  cohorte  loqui.  Itaque  ne  hic  longior  sim,  respondebo  ex  ore  Pauli:  nos  libenter  fateri,  tot  ac  tanta  praesidia  nobis  minime  suppetere,  quae  ad  tantam  molem  sustinendam  sufficiant:  quod  doctrinae  nostrae  veritas  ac  fides  non  eloquentia,  aut  eruditione  propria,  sed  spirituali  Dei  virtute  fundata  sit  (2  Cor.  2,  16;  1  Cor.  2,  4).  Causam  certe  validam  ac  fortem  esse  oportet,  quae  non  hominum  patrocinio,  non  externis  quibuslibet  [pag.  7j  adminiculis,  sed  sola  sua  bonitate  suffulta  consistat.  1)  alium,  om.  ed.  Bezae  1576  et  seqq.