55:237  237  CAPUT  IL  238  pus  usurpat:  Non  festinabit,  sed  quod  pro  imperativo  saepe  capitur  apud  Hebraeos:  Ne  festinet  Ita  sensus  esset:  Nolite  in  animis  vestris  tumultuari,  sed  placide  sustinete  vestrum  desiderium:  et  cohibete  vestros  affectus,  donec  praestet  Dominus  quod  promittit.  Quemadmodum  alibi  dicit  (Ies.  30,  15):  In  silentio  et  quiete  erit  fortitudo  vestra.  Sed  quoniam  altera  lectio  propius  ad  Petri  interpretationem  accedere  videtur,  eam  magis  amplector.  Et  sensus  non  male  conveniet,  Credens  non  nutabit,  aut  vacillabit:  quia  firmam  ac  stabilem  fulturam  habet.  Atque  haec  insignis  est  doctrina,  quod  Christo  subnixi,  extra  lapsus  periculum  simus.  Porro  idem  valet  pudefieri  quod  trepidare.  Quare  genuinum  sensum  prophetae  retinuit  Petrus,  utcunque  graecam  versionem  sequutus  sit.  7.  Vobis  ergo  qui  creditis.  Quum  Deus  Christum  pronuntiet  lapidem  esse  pretiosum  et  electum,  talem  nobis  fore  colligit  apostolus.  Nam  certe  illic  describitur  Christus,  qualem  ipsum  apprehendimus  fidei  sensu,  et  qualem  se  veris  experimentis  probat.  Quare  diligenter  notanda  est  illatio,  Christus  coram  Deo  electus  est  lapis:  ergo  fidelibus  talis  est.  Sola  enim  est  fides,  quae  pretium  ac  excellentiam  Christi  nobis  patefacit.  Quoniam  autem  apostoli  consilium  est  obviare  scandalo  quod  nobis  multitudo  impiorum  gignit,  statim  alterum  membrum  subiicit  de  ipsis  incredulis,  quod  Christum  respuendo  non  auferant  tamen  honorem  illi  a  patre  datum.  In  eam  rem  citatur  versus  ex  Psal.  118,  quod  lapis,  quem  reprobarunt  aedificantes,  statuatur  nihilominus  in  caput  anguli.  Unde  sequitur,  Christum,  invitis  hostibus,  manere  tamen  in  suo  gradu,  in  quo  pater  illum  locavit.  Quamquam  duae  sententiae  hic  notandae  sunt.  Prior  est,  Christum  oportuisse  reiici  ab  iis  qui  regimen  in  ecclesia  Dei  obtinebant.  Altera  vero,  inanes  fore  ipsorum  conatus:  quia  impleri  oporteat  quod  Deus  decrevit,  ut  tanquam  lapis  angularis  sustineat  aedificium.  Porro  locum  hunc  de  Christo  vere  et  proprie  debere  intelligi,  non  modo  spiritus  sanctus  testis  est,  et  Christus  ipse  Matth.  21,  42)  qui  sic  exposuit:  sed  ex  eo  etiam  colligi  potest,  quod  antequam  Christus  veniret  in  mundum,  vulgo  ita  receptum  erat.  Nec  dubium  quin  a  patribus  quasi  per  manus  tradita  esset  haec  expositio.  Itaque  videmus  pueris  quoque  ipsis  quasi  vulgarem  fuisse  de  Messia  cantilenam.  Quare  ego  de  hac  re  non  longius  disputabo.  Sumamus  itaque  pro  confesBO,  Davidem  sic  fuisse  aetate  sua  lapidem  reprobatum,  ut  Christi  personam  gesserit.  Redeamus  nunc  ad  prius  membrum.  Christus  ab  architectis  reiicitur:  hoc  in  Davide  fuerat  prius  adumbratum.  Nam  qui  rerum  potiebantur,  eum  habebant  pro  damnato  et  perdito.  Idem  in  Christo  impletum  fuit.  Nam  qui  praeerant  gubernandae  ecclesiae,  ipsum  quoque  reprobarunt,  quantum  in  ipsis  fuit.