51:237  237  CAPUT  VI.  238  eutiendi,  vel  simili  aliquo.  Verum  plus  expressit  quum  dixit  e  x  s  t  i  n  g  u  e  r  e  :  respexit  enim  ad  epithetum  quod  iam  posuerat:  ac  si  dixisset:  non  modo  acuta  sunt  et  penetrabilia  Satanae  tela:  sed,  quod  magis  exitiale  est,  etiam  ignita.  Ac  fides  non  modo  ad  retundendum  acumen,  sed  ad  restinguendum  etiam  ardorem  sufficiet.  Haec  enim  victoria  est  quae  vincit  mundum,  ut  inquit  Iohannes  (1  Ep.  5,  4).  17.  Et  galeam  salutaris.  Ad  Thessalonicenses  illo  quod  nunc  citavi  capite  galeam  nominat  spem  salutis:  quod  eodem  sensu  dictum  accipio.  Caput  enim  optima  galea  munitum  est,  quum  spe  erecti  suspicimus  in  coelum  ad  illud  salutare  quod  nobis  promissum  est.  Ergo  non  aliter  salutare  nobis  est  galea,  quam  sperando.  18.  Per  omnem  precationem.  Postquam  arma  induit  Ephesiis,  precibus  eos  certare  docet.  Atque  haec  verissima  est  ratio.  Nam  invocatio  Dei  praecipuum  est  exercitium  fidei  et  spei.  Eadem  est,  quae  a  Deo  impetrat  quidquid  est  bonorum.  Precatio  autem  et  oratio  parum  differunt,  nisi  quod  illa  est  tanquam  species,  haec  autem  genus.  Commendat  autem  in  orando  perseverantiam,  quum  dicit  in  omni  a  s  s  i  d  u  i  t  a  t  e  .  Hoc  enim  verbo  admonet,  ne  defatigemur:  instandum  esse  alacri  animo  :  infracto  studio  continuandas  esse  preces,  si  non  statim  consequamur  quod  volumus.  Si  cui  magis  placet  sedulitas,  non  repugno.  Sed  quid  sibi  vult  omni  tempore?  an  bis  idem  repetit,  quum  iam  de  continuo  studio  egisset?  Non  ita  sentio.  Terum  ubi  rebus  prospere  fluentibus  quieti  sumus  ac  laeti,  nulla  fere  precandi  cogitatio  nos  sollicitat:  imo  nunquam  ad  Deum,  nisi  malis  coacti,  confugimus.  Nullum  ergo  tempus  elabi  vult  Paulus  quo  intermittamus  precandi  memoriam.  Ita  in  omni  tempore  perinde  valet  atque  tam  secundis  rebus,  quam  adversis.  Pro  omnibus  sanctis.  Nullum  est  momentum  quo  non  incitare  ad  orandum  nos  debeat  propria  inopia.  Sed  alia  est  etiam  ratio  sine  intermissione  orandi,  quia  fratrum  necessitates  tangere  nos  debent.  Quod  autem  erit  tempus  quo  non  laborent  aliqua  ecclesiae  membra  et  ope  nostra  indigeant?  Proinde  si  quando  sumus  ad  orandum  frigidi  aut  negligentiores  quam  par  sit,  propterea  quod  nulla  nos  praesens  necessitas  urgeat:  in  mentem  nobis  protinus  veniat  quam  multi  sint  fraters  nostri,  qu  isub  variis  et  gravissimis  aerumnis  fatiscunt,  qui  summis  animi  angustiis  premuntur,  qui  ad  extremum  malorum  sunt  redacti.  Valde  ferreos  esse  nos  oportebit,  nisi  excutiatur  nobis  ille  torpor.  Quaeret  hic  quispiam,  an  pro  solis  fidelibus  sit  orandum.  Respondeo,  Paulum  ita  commendare  Ephesiis  pios,  ut  tamen  alios  non  excludat.  Neque  tamen  dubium  est  quin