30:237  237  IN  I.  LIB.  SAMUEL.  CAP.  XVII.  238  docet  verbo  suo,  et  quidem  recto  et  puro  corde  et  animo.  Caveamus  autem  ne  illa  cognitio  simulata  vel  coacta  sit,  quam  deinceps  malitia  et  ingratitudo  ex  animis  deleat  et  exstinguat:  sed  demus  omnem  potius  operam,  ut  vere  Dei  virtutem  apprehendamus  quam  Deus  suis  patefacit,  ut  in  ea  conquiescamus,  et  de  ipsius  auxilio  persuasi  simus.  Nihilominus  Israelitae,  licet  satis  docerentur  lege  Dei  et  peculiari  testimonio  tantam  esse  Dei  virtutem  quae  suis  liberandis  et  ex  periculis  eruendis  sufficeret,  non  tamen  in  illa  vera  fide  conquieverunt,  sed  dubii  et  vacillantes  fuerunt.  Quamobrem  David  verbis  istis  oblique  diffidentiam  et  incredulitatem  ipsorum  arguit,  quod  nimirum  non  attenderent  ad  divinas  promissiones  quae  lege  Dei  continebantur,  et  non  illis  ut  par  erat  fiderent.  Nam  si  Israelitae  bene  cognovissent  Deo  salutem  sui  populi  curae  esse  et  liberationis  honorem  et  gloriam  soli  sibi  velle  reservari  :  non  usus  his  vocibus  esset  David,  ut  omnis  haec  multitudo  et  ecclesia  cognoscat  Deum.  Itaque  istis  verbis  ostendit  populum  fuisse  metu  attonitum  et  perculsum,  et  intra  spem  metumque  collocatum.  Quid  vero  ipsorum  animos  percellebat?  Nempe  gigas  ille  miles  cataphractus  perterrebat,  cui  resistendo  se  impares  arbitrabantur,  nemine  singulari  certamine  congredi  cum  ipso  audente.  Deo  igitur  debitum  honorem  illos  non  tribuisse  hinc  apparet,  sed  in  externis  praesidiis  fiduciam  collocasse:  ac  proinde  merito  David  dicit  oportere  illos  discere,  Deum  suos  servare  non  ordinariis  modis  sed  prorsus  extraordinariis:  et  hanc  scientiam  ex  vera  Dei  cognitione  nasci.  Certa  vero  scientia  et  cognitio  virtutis  et  bonitatis  divinae  manat  ab  ipsius  verbo.  Neque  enim  haec  inferiora  veram  nobis  de  Deo  cognitionem  adferunt:  sed  ad  illorum  intuitum  potius  oculi  nostri  caligant  et  sensus  hebescunt.  Et  miracula  potius  ad  indignationem  movent,  quam  ad  veram  Dei  cognitionem  deducunt,  nisi  Dei  verbo  regamur  et  illustremus  Quamobrem  Deus  verbo  suo,  quod  in  lege,  prophetis  et  evangelio  continetur,  nos  docet.  Quoniam  autem  nonnunquam  scientia  illa  in  nobis  est  debilis  quodammodo  vacillat,  ac  proni  sumus  ad  contumaciam,  et  rebellionem  ac  diffidentiam:  idcirco  etiam  opus  habemus  confirmatione,  ut  quibusdam  externis  testimoniis  Deus  re  ipsa  ratum  faciat,  se  non  frustra  loquutum  esse  in  verbo  suo,  in  quo  maiestas  ipsius  splendet.  Sane  utilis  nobis  est  haec  doctrina,  quam  istis  verbis  Davidis,  ut  haec  universa  ecclesia  noverit,  Deum  non  servare  in  gladio,  neque  in  hasta,  contineri  diximus.  Caeterum  observandum  Davidem  quum  Goliathum  compellaret,  ac  diceret,  ut  haec  multitudo  sciat  quod  est  Deus  in  Israele,  illis  verbis  incredulorum  vanas  superstitiones  et  idololatrias  arguisse,  et  nominatim  blasphemam  illam  gigantis  maledictionem