8:236  gratias  agant:  potuissent  ii  non  trahi.  Dum  igitur  hi  gratias  agunt,  quod  tracti  sunt  efficaciter,  alii  videntur  habere  quod  querulentur  contra  Dommum,  quod  non  sint  tracti  cum  effectu  bono.  Hic  vero  dicimus:  patet  quidem,  quod  fit,  cur  autem  fiat  occultam  habet  causam  quam  solus  novit  Deus.  Nec  nobis  perscrutanda  est.  Illud  vero  constat:  eos  recusasse  verbum  depraedicatum,  eo  quod  contrarium  erat  ipsorum  studiis.  Reliqua,  quae  videntur  hic  esse  in  dubio,  Domino  Deo  permittimus,  et  a  nobis  sobrie  inquirenda:  et  si  quid  recte  voluerimus  ad  quietem  nostram  nosse,  decere  ut  non  a  praescientia  Dei,  nec  a  praedestinatione  et  electione,  nisi  prout  opus  est,  quemadmodum  paucis  indicavimus,  sed  a  fide  incipiamus,  praesertim  dum  docemus  simplices,  nam  hoc  modo  ne  l)  implicatur  dubitationibus,  a  quibus  posset  seduci:  sed  precibus  pro  fide  acquirenda  innititur,2)  et  ea  quidem  efficaci  per  opera.  Videtis  ergo  simplicitatem  nostram  in  hac  quaestione,  qua  maior  esse  in  religione  haud  potest  et  magis  intricata.  Rogamus  itaque  Dominum  ut  in  eadem  simplicitate  nos  retineat  in  finem  usque.  Interea  tamen  nolumus  pertinaciae  accusari:  si  quis  ex  verbo  nos  erudire  poterit  melius,  procul  dubio  obtemperabimus,  et  quidem  prompti.  Sic  responsum  volumus  ad  literas,  quae  satis  planae  sunt.  Ad  disputationem  quam  misistis  nihil  reddimus,  nisi  ad  ea  quae  et  in  literis  offendimus:  videntur  enim  haec  longe  explanatiora,  quam  quae  in  collatione  dicuntur:  hic  enim  non  solum  sophistam  agit  Hieronymus  ille,  sed  et  haeresim  in  quibusdam  sapere  videtur.  Exempla  libuit  adnotare.  Nihil  ad  nos  quod  Vallae  dictum  torquet,  nescimus  quo.  Nos  enim  Deo  non  tribuimus,  nisi  misericordiam  et  bonitatem  et  quae  his  similia.  Ingenue  ergo  dicimus  eligi  nos  in  Christo,  sicut  dictum  est,  fidem  sequi  verbum  auditum  et  receptum.  Hane  qui  habent  et  retinent  in  finem  usque  salvos  fieri,  qui  non  habent  condemnari.  Ante  constitutionem  enim  mundi  si  electio  facta  est,  ita  fieri  necesse  est.  Quaerat  igitur  homo  ille  alios  qui  erroribus  eius  patrocinentur:  nos  sumus  aliter  instituti  ex  verbo  Dei.  Adserimus  igitur  nos  iustificari  fide,  qua  media  Christum  facimus  nostrum  una  cum  omni  merito  passionis  eius,  ut  convenit  electis  Dei:  elegit  enim  eos  in  Christo.  Non  iustificari,  quibus  ea  fides  deest  :  quia  et  electio  deest  et  adoptio  filiorum,  et  quidquid  ad  haereditatem  regni  pertinet.  Habetis  igitur,  quae  dare  placuit  ad  literas  vestras.  Arbitramur  autem  nihil  esse  quod  vos  possit  offendere:  aut  quod  non  sit  catholicum.  Boni  1)  nec  V.  C.  Simler  coniicit:  non.  2)  Ste  legendum  cum  v.  C.  et  al.  Exemplar  in  Actis  asservatum  habet  inicitur  ex  quo  Fazy  fecit  initietur.