55:236  deflectit,  pro  fultura  praecipitium  inveniet.  Quare  propheta  non  tantum  lapidem  angularem  ipsum  vocat,  cui  praecipua  aedificii  moles  incumbit:  sed  lapidem  probationis,  ad  quem  exigi  debet  atque  aptari  structurae  modus  :  deinde  fundamentum  solidum  quod  structuram  universam  continet.  Proinde  ita  est  lapis  anguli,  ut  sit  totius  aedificii  regula,  ut  sit  unicum  fundamentum.  Sed  Petrus  ex  prophetae  verbis  sumpsit  quod  praesenti  instituto  maxime  quadrabat,  nempe  quod  sit  electus  lapis,  honorisque  et  praestantiae  plenus:  deinde  quod  in  eo  nos  fundari  oporteat.  Honor  huc  pertinet,  ne  Christus,  utcunque  mundo  sit  contemptibilis,  a  nobis  spernatur,  quando  apud  Deum  summo  in  pretio  est.  Quum  autem  vocat  lapidem  anguli,  significat  eos  nullam  habere  suae  salutis  curam  qui  in  Christum  non  recumbunt.  Quod  aliqui  in  voce  anguli  subtilius  philosophantur,  quasi  hoc  ideo  dictum  sit,  quod  Christus  Iudaeos  et  gentes,  tanquam  duos  parietes  diversos,  simul  coniungat,  non  satis  firmum  est.  Contenti  ergo  simus  simplici  expositione,  ideo  sic  vocari,  quia  aedificii  pondus  illo  nititur.  Observandum  praeterea  est,  quod  propheta  Deum  inducit  hic  loquentem.  Solus  enim  ipse  opifex  ecclesiae  suae  est  ac  architectus:  quemadmudum  in  Psalmo  (48,  9)  habetur,  quod  manus  eius  Sionem  fundavit.  Utitur  quidem  hominum  opera  ad  hanc  structuram,  et  ministerio:  sed  hoc  non  obstat  quin  suum  unius  opus  esse,  vere  asserat.  Christus  ergo  nobis  salutis  est  fundamentum,  quia  in  hunc  finem  nobis  ordinatus  est  a  patre.  Dicit  autem  in  Sion,  quia  illuc  inchoari  oportuit  spirituale  Dei  templum.  Quare  ut  solide  fides  nostra  Christo  nitatur,  veniendum  est  ad  legem  et  prophetas.  Tametsi  enim  totum  orbem  ad  extremos  usque  angulos  occupat  hic  lapis  :  primo  tamen  in  Sion  locari  necesse  fuit,  ubi  tunc  erat  ecclesiae  sedes.  Tunc  enim  positus  fuisse  dicitur,  quum  pater  eum  manifestavit,  ut  ecclesiam  suam  restitueret.  Denique  sic  habendum  est,  eos  Christo  niti  solos,  qui  ecclesiae  unitatem  colunt:  quia  non  nisi  in  Sion  positus  est  lapis  fulturae.  Quia  autem  ex  Sione  prodiit  ecclesia  quae  nunc  quaquaversum  diffusa  est,  illinc  quoque  fides  nostra  habet  exordium:  sicut  dicit  Iesaias:  E  Sion  exibit  lex,  et  verbum  Domini  e  Ierusalem  (Ies.  2,  3).  Cui  respondet  illud  Psalm.  110,  2,  Sceptrum  virtutis  tuae  emittet  Dominus  e  Sion.  Qui  crediderit.Vrophet^  non  exprimit  in  ipso:  sed  generaliter  dicit:  Credens  non  festinabit.  Quia  tamen  non  dubium  est  quin  Deus  Christum  illic  nobis  proponat  in  scopum  fidei:  fides  de  qua  propheta  loquitur,  in  hunc  solum  intueri  debet.  Et  certe  nemo  rite  credere  potest,  nisi  qui  Christum  sibi  statuit  in  quo  tota  mente  consistat.  Caeterum  prophetae  sententia  bifariam  potest  exponi:  nempe  ut  sit  vel  promissio,  vel  exhortatio.  Futurum  tem-