52:236  dera,  ce  leur  semble,  comme  s'il  estoit  bien  oblige  a  eux.  Comme  donc  on  voit  cela  auiourd'huy,  le  Prophete  parlant  a  ceux  des  on  temps  dit,  Comment?  Et  de  quoy  vous  van  tez-vous?  du  iour  du  Seigneur?  Pensez-vous  que  sa  venue  vous  soit  profitable?  Nenni  non:  mais  ce  vous  sera  un  iour  espovantable,  un  iour  terrible  et  plein  d'effroy.  Il  n'y  aura  qu'effroy  et  estonnement  pour  vous.  Ainsi  nous  avons  a  noter  en  ce  passage  de  S.  Paul  que  si  nous  voulons  que  la  venue  de  nostre  Seigneur  Iesus  Christ  nous  profite,  et  qu'il  nous  apparoisse  Redempteur  a.  nostre  salut,  il  faut  que  nous  apprenions  bien  de  nous  dedier  a  sainctete,  et  que  nous  soyons  separez  des  pollutions  de  ce  monde  et  de  la  chair.  Voyla  pour  le  premier.  Mais  pour  parvenir  la  notons  qu'il  nous  faudra  commencer  par  la  foy:  suyvant  aussi  ce  que  nous  avons  declare  n'agueres:  comme  de  faict  la  foy  est  la  source  de  toute  sainctete,  ainsi  qu'il  en  est  parle  au  15.  des  Actes,  ou  S.  Pierre  dit  que  Dieu  purifie  les  coeurs  des  hommes  par  foy.  Cela  est  dit  pour  monstrer  que,  quelque  belle  apparence  qui  soit  aux  hommes,  ils  seront  tousiours  pollus  et  infets  devant  Dieu,  iusqu'a  ce  qu'il  les  purifie  par  le  moyen  de  la  foy.  Or  cependant  pour  le  troisieme  article  nous  sommes  admonestez  que,  si  nous  avons  vraye  foy,  il  ne  se  peut  faire  que  quant  et  quant  nous  ne  soyons  sanctifiez:  c'est  a  dire  que  nous  ne  soyons  reformez  au  service  de  Dieu,  et  que  nous  ne  luy  soyons  dediez  pour  l'honorer.  Et  comment  cela?  d'autant  que  par  la  foy  nous  embrassons  Iesus  Christ,  il  habitera  en  nous,  comme  toute  l'Escriture  en  parle,  et  notamment  S.  Paul  use  de  ce  mot-la.  Iesus  Christ  (dit-il)  habite  en  vos  coeurs  par  foy.  Ie  vous  prie,  ne  sont-ce  point  choses  incompatibles  et  mal  accordantes,  que  Iesus  Christ  habite  en  nous  et  que  cependant  nous  soyons  encores  addonnez  a  toutes  vilenies  et  ordures?  Pensons-nous  qu'il  veuille  habiter  en  une  estable  a  porceaux?  Il  faut  donc  que  nous  luy  soyons  consacrez.  Et  au  reste,  il  ne  peut  estre  avec  nouB  qu'avec  son  Esprit  Et  n'est-ce  point  l'Esprit  de  sainctete,  de  iustice  et  de  droiture?  Sera-ce  point  donc  un  meslinge  estrange  quand  les  hommes  se  vanteront  d'avoir  foy  en  Iesus,  et  que  cependant  ils  seront  d'une  vie  dissolue  et  meschante,  qu'ils  se  polluerant  par  toutes  les  infections  de  ce  monde?  Ce  seroit  a  dire,  Ie  tien  le  soleil,  et  il  n'y  a  point  de  clarte,  et  c'est  comme  si  on  vouloit  renverser  tout  l'ordre  de  nature.  Car  il  pourroit  plustost  advenir  que  le  soleil  fust  sans  clarte,  que  Iesus  Christ  fust  sans  iustice.  Ainsi  donc  notons  bien  qu'il  ne  nous  faut  point  prendre  ceste  couverture  d'hypocrisie,  pour  dire  que  nous  ayons  foy  en  l'Evangile,  et  que  nous  croyons  a  bon  escient,  sinon  que  nostre  vie  responde  et  que  nous  monstrions  que  nous  avons  receu