50:236  21.  Dicite  mihi,  qui  sub  lege  vultis  esse,  legem  non  auditis?  22.  Scriptum  est  enim  quod  Abraham  duos  filios  habuit:  unum  ex  ancillaj  alterum  ex  libera.  23.  Sed  qui  erat  ex  ancilla,  secundum  carnem  erat  genitus:  quivero  ex  Ubera,  per  promissionem:  24.  Quae  allegorica  sunt.  Nam  duae  sunt  pactiones,  una  quidem  a  monte  Sina,  quae  in  servitutem  generat  :  ea  est  Agar.  25.  Nam  Agar  Sina,  mons  est  in  Arabia.  Ex  adverso  autem  respondet  ei,  quae  nunc  est  Ierusalem:  servit  enim  cum  liberis  suis.  26.  Quae  autem  sursum  est  Ierusalem,  libera  est:  quae  mater  est  nostra  omnium.  21.  Dicite  mihi.  Interpositis  exhortationibus  ad  affectus  movendos,  pulchram  exornationem  addit  superioris  doctrinae.  Non  esset  quidem  satis  valida  per  se  probatio  :  sed  postquam  argumentis  satis  pugnavit,  confirmatio  haec  non  est  spernenda.  Sub  lege  esse,  hoc  loco  significat  subire  iugum  legis,  hac  conditione  ut  Deus  tecum  agat  secundum  legis  pactum:  teque  vicissim  ad  servandam  legem  ad-  8tringas.  Nam  alioqui  sub  lege  sunt  omnes  fideles:  sed  hic  de  lege  tractat  cum  suis  appendicibus,  ut  dictum  est.  22.  Scriptum  est  quod  Abraham.  Nemo  est  tam  insanus,  qui  data  optione  libertatem  spernat,  praeoptet  servitutem.  Hic  vero  docet  apostolus,  quicunque  sub  lege  sunt,  esse  servos.  Miseri  igitur,  qui  hanc  conditionem  ultro  appetunt:  quum  Deus  eos  velit  liberare.  Huius  rei  imaginem  in  duobus  Abrahae  filiis  proponit  :  quorum  alter  ex  serva  natus,  matris  conditionem  tenuit:  alter  ex  libera  liber  haereditate  potitus  est.  Postea  totam  historiam  accommodat  ad  suum  institutum  et  eleganter  illustrat.  Primo,  quoniam  legis  autoritate  pars  adversa  se  armabat,  legem  exadverso  opponit.  Legis  autem  nomine  quinque  libros  Mosis  designari,  usitatum  est.  Deinde,  quia  ad  causam  nihil  videbatur  pertinere  historia  quam  citat,  transfert  ad  expositionem  allegoricam.  Caeterum  quia  scribit  haec  esse  aXkrflopoo|  Jisva,  inde  occasionem  arripuit  Origenes,  et  cum  eo  permulti  alii,  scripturae  a  genuino  sensu  huc  illuc  torquendae.  Sic  enim  colligebant,  literalem  sensum  nimis  humilem  esse  et  abiectum:  latere  igitur  sub  literae  cortice  altiora  mysteria,  quae  non  aliter  erui  possent  quam  allegorias  cudendo.  Atque  id  non  difficulter  obtinuit:  nam  speculationes  quae,  speciem  argutiae  prae  se  ferunt,  semper  mundus  praetulit  solidae  doctrinae  et  praeferet.  Tali  approbatione  crevit  magis  ac  magis  licentia:  ut  in  tractandis  scripturis  ludere  non  modo  impune  permissum  fuerit,  sed  etiam  summae  laudi  tributum.  Neminem  siquidem  multis  saeculis  ingeniosum  putarunt,  nisi  qui  subtiliter  transfigurare  sacrosanctum  Dei  verbum  sciret  ac  auderet.  Hoc  procul  dubio  Satanae  commentum  fait  ad  elevandam  scripturae  autori-