49:236  dinem  cogatur  nostra  pervicacia,  solidam  iustitiae  et  perfectionis  laudem  voluntati  Dei  asseri  necesse  est  Mundus  quae  ipse  fabricavit  opera  sibi  persuadet  bona  esse:  reclamat  Paulus  ex  Dei  mandatis  aestimandum  esse  quid  bonum  sit  ac  rectum.  Mundus  in  suis  commentis  sibi  plaudit  ac  delitias  facit  :  Paulus  autem  affirmat  j  Deo  non  aliud  placere  nisi  quod  mandavit.  Mundus,  ut  perfectionem  inveniat,  a  verbo  Dei  ad  novas  inventiones  delabitur:  Paulus  in  Dei  voluntate  perfectionem  statuens,  si  quis  hanc  metam  transgreditur,  falsa  imaginatione  deludi  ostendit.  3.  Dico  enim  per  gratiam,  quae  data  est  mihi,  cuilibet  vestrum,  ne  supramodum  sapiat  praeter  id,  quod  oportet  sapere,  sed  sapiat  ad  sobrietatem:  sicuti  unicuique  distribuit  Deus  mensuram  fidei  3.  Dico  enim  per  gratiam.  Si  particulam  rationalem  non  esse  supervacuam  putes,  non  male  cohaerebit  haec  sententia  cum  superiori.  Quandoquidem  enim  iam  totum  studium  nostrum  positum  esse  voluit  in  vestiganda  Dei  voluntate,  proximum  erat  ut  nos  ab  inani  curiositate  abstraheret.  Quum  tamen  rationalis  particula  saepe  apud  Paulum  abundet;  potes  et  pro  simplici  affirmatione  capere:  nam  et  sensus  sic  optime  constabit.  Caeterum  antequam  praecipiat,  autoritatem  sibi  datam  commemorat,  ut  non  aliter  suae  quam  Dei  ipsius  voci  auscultent.  Tantundem  enim  valent  eius  verba  ac  si  dixisset:  Non  loquor  a  me  ipso,  sed  legatus  Dei  quae  mihi  mandata  ille  iniunxit  ad  vos  perfero.  Gratiam  (ut  prius)  vocat  apostolatum,  quo  Dei  bonitatem  in  eo  commendet,  ac  simul  innuat,  se  non  irrupisse  propria  temeritate,  sed  Dei  vocatione  assumptum.  Ergo  ita  praefando  autoritatem  sibi  comparans,  Romanos  parendi  necessitate  obstringit,  nisi  Deum  in  ministri  sui  persona  velint  contemnere.  Praeceptum  deinde  sequitur,  quo  et  nos  retrahit  ab  earum  rerum  investigatione,  quae  nihil  quam  tormentum  ingeniis  afferre  queant,  nullam  vero  aedificationem:  et  prohibet  ne  sibi  quis  plus  sumat  quam  ferat  captus  et  vocatio:  simulque  admonet  ut  ea  tantum  cogitemus  ac  meditemur,  quae  nos  sobrios  et  modestos  reddere  poterunt.  Sic  enim  intelligere  malo  quam  secundum  quod  Erasmus  vertit:  Ne  quis  superbe  de  se  sentiat:  quia  et  hic  sensus  est  aliquanto  a  verbis  remotior,  et  ille  melius  quadrat  orationis  contextui.  Particula  ista  p  r  a  e  t  e  r  id  quod  oportet  s  a  p  e  r  e  declarat  quid  in  priore  vocabulo  OTtepcpovsiv  voluerit:  nos  scilicet  modum  sapiendi  excedere,  si  in  iis,  de  quibus  non  esse  sollicitos  convenit,  nos  occupamus.  Ad  sobrietatem  vero  sapere  est  iis  studiis  intentum  esse  quibus  ad  modestiam1)  institui  te  ac  erudiri  sentias.  O  instituaris.