27:236  viendront  sous  le  regne  de  l'Antechrist,  comme  on  les  a  veu,  que  ce  sont  autant  de  vengeances  de  Dieu,  pour  punir  ceux  qui  n'ont  point  voulu  obeir  a  sa  verite.  Et  c'est  bien  raison  que  Satan  les  pousse  a  perdition,  quand  ils  n'ont  point  voulu  ouvrir  les  yeux,  lors  que  Dieu  les  vouloit  esclairer,  et  mesmes  qu'ils  ont  mis  sous  le  pied  toute  bonne  doctrine:  il  faut  qu'ils  soyent  seduits  par  mensonges.  Or  revenons  maintenant  a  ces  mots  de  Moyse.  Ii  dit  que  nous  sommes  esprouver,  asavoir  si  nous  aimons  le  Seigneur  nostre  Dieu.  Par  ceci  il  monstre  que  Dieu  discerne  les  hypocrites  d'avec  ceux  qui  le  servent  en  integrite  de  coeur,  quand  les  heresies  se  levent,  et  qu'il  y  a  des  troubles,  et  divisions.  Et  pourquoy?  Car  ceux  qui  aiment  Dieu,  il  est  certain  qu'ils  sont  preservez  par  la  vertu  de  son  sainct  Esprit,  et  que  ce  leur  sera  un  bon  examen  que  tous  les  troubles  qu'ils  ont  soustenus,  que  c'est  une  signature  par  laquelle  leur  foy  est  rendue  plus  authentique.  Dieu  declaire  par  effet  comme  il  a  besongne  en  eux,  et  que  vrayement  ils  sont  du  rang  de  ceux  qu'il  a  choisis.  Ainsi  donc  cognoissons  que  tous  les  erreurs  et  heresies  que  le  diable  aura  seme  seront  converties  a  bonne  fin  a  tous  enfans  de  Dieu:  tant  s'en  faut  que  cela  nous  apporte  aucune  nuisance,  ou  dommage,  que  c'est  tousiours  pour  mieux  esclaircir  nostre  foy,  et  que  nous  soyons  certifiez  que  Dieu  nous  a  secourus,  et  que  cela  soit  cognu  de  tout  le  monde,  tellement  que  Dieu  en  soit  glorifie  :  et  nous  avons  aussi  occasion  de  nous  appuyer  avec  plus  grande  certitude  sur  luy,  et  de  nous  confier  que  iamais  il  ne  nous  deffaudra.  Quand  donc  nous  voyons  que  nostre  Seigneur  besongne  en  telle  sorte,  qu'il  convertit  les  tenebres  en  clarte,  et  ce  qui  estoit  poison  mortel,  il  le  convertit  a,  nostre  salut:  quand  nous  voyons  cela,  n'avons-nous  point  dequoy  nous  esiouir,  et  ne  devons-nous  point  estre  patiens,  encores  que  les  troubles  nous  faschent  pour  un  temps,  et  que  nous  ayons  difficulte  a  y  resister?  Si  est-ce  que  nous  ne  devons  point  perdre  courage,  voyant  une  telle  issue,  et  si  heureuse  que  Dieu  y  donne.  Voila  donc  quant  au  premier,  c'est  assavoir  que  si  nous  aimons  Dieu  de  tout  nostre  coeur,  c'est  a  dire,  en  rondeur,  et  integrite,  et  sans  feintise,  qu'il  ne  permettra  point  que  nous  soyons  seduits:  et  quand  Satan  viendra  semer  des  troubles  et  heresies,  que  nous  serons  tousiours  mieux  confermez,  que  nous  profiterons  en  sorte  que  nous  ne  serons  iamais  veincus  :  et  cependant  nous  aurons  meilleure  approbation  qu'il  nous  advoue  du  nombre  des  siens,  et  de  ceux  qu'il  a  commis  en  garde  a  nostre  Seigneur  Iesus  Christ  :  et  que  nous  verrons  ceste  sentence  accomplie:  Que  ce  que  le  Pere  luy  a  donne  en  main,  iamais  il  ne  permettra  qu'il  perisse.  Nous  voyons  donc  comme  nostre  Seigneur  Iesus  Christ  est  le  gardien  de