9:235  235  ULTIMA  ADMONITIO  236  pane.  Respondent  non  esse  dissona  secundum  lidem,  sed  vertiginoso  [pag.  279]  nostro  spiritu  fieri.  Quod  dictu  facile  est,  sed  probatu  non  ita.  ISsam  quod  obtendunt  fidem  non  metiri  Dei  opera  rationis  captu,  sed  laudem  veritati  et  omnipotentiae  tribuere,  etsi  verum  esse  concedimus,  non  tamen  inde  sequitur,  quum  simplex  et  una  sit  Dei  veritas,  fidem  Deum  transfigurare,  ut  secum  ipse  dissideat.  Hoc  Dei  testimonium  est,  Christum  in  coelos  receptum  esse,  et  coelis  oportere  comprehendi  usque  dum  adveniat  redemptor,  et  illic  quaerendum  esse  (Act.  3,  21).  Ab  hac  doctrina  quum  prorsus  discrepet  commentum  de  praesentia  corporali,  quorsum  obtendere  iuvat  in  hac  repugnantia  dandum  esse  locum  Dei  omnipotentiae,  praesertim  ubi  in  promptu  occurrit  facilis  et  expedita  ratio,  quomodo  Christus  in  coelo  sedens,  se  nobis  fruendum  in  terra  offerat?  Quanto  plausibilius  iactare  nobis  licebit,  praepostere  fidem  exerceri  in  carnali  Christi  esu,  localique  praesentia,  quum  eius  naturae  longe  sit  aptius,  sursum  conscendere,  ut  spiritualiter  fruatur  Christo?  [pag.  280]  Quinquagesimum  septimum  argumentum  proximo  affine  est  :  Pugnare  inter  se  haec  duo,  Christi  carnem  quae  invisibilis  in  coelo  est,  1)  invisibiliter  et  insensibiliter  sub  pane  comedi.  Nam  quod  recitant  quasi  a  nobis  dictum:  Consentaneum  non  esse  Christum,  qui  carnem  et  ossa  habet,  sine  carne  et  ossibus  comedi,  sibi  habeant.  Quid  enim  hoc  ad  causam,  ubi  de  ipsius  carnis  manducatione  inter  nos  lis  est?  Nam  quod  respondent  non  pugnare  quoad  sensum  fidei,  tantundem  valet,  ac  si  anthropomorphitae  iactarent,  se  dum  credunt  scripturae  verbis,  de  oculis,  naso,  ore,  auribus,  brachiis  et  pedibus  Dei,  connivere  ad  omnia  absurda,  quia  fides  omnem  repugnantiam  superat.  Quinquagesimo  octavo  loco  non  minus  suam  insulsitatem,  quam  malitiam  produnt.  Dixeram  alicubi,  Westphali  et  similium  proterviam  doctis  et  cordatis  hominibus  non  posse  non  odiosam  esse:  quum  [pag.  281]  ex  discipulis  et  familiaribus  Lutheri  doctissimi  quique  testati  essent  sibi  placere  meam  docendi  formam.  Duos  nominaveram,  Gasparem  Crucigerum  et  Vitum  Theodorum.  Hic  mihi  cornutam  dialecticam  affingunt  Magdeburgenses,  ac  si  attexa  esset  a  me  haec  consequentia:  Ergo  habemus  bonam  causam,  ac  caeteri  Saxonici  doctores  omnes  debent  in  nostram  sententiam  pedibus,  quod  dici  solet,  concedere.  Et  bonis  scilicet  viris  dolet,  mortuos  aspergi  infamiae  nota,2)  qui  se  tam  foedo  1)  Beza  et  Amst.  habent:  invisibilis  coelo.  Gallus:  laquelle  est  visible,  coeli  nomine  omisso.  Minus  obscure  apud  Westphalum  legitur  (H.  1  verso):  Pugnantia  sunt:  corpus  Christi  in  coelo  contineri  et  carnem  et  ossa  habere,  et  in  coena  invisibiliter  et  insensibiliter  sine  carne  et  ossibus  comedi.  2)  Voila  comme  ces  gens  de  bien  sont  conscientieux  a  diffamer  ceux  qui  sont  trespassez.