8:235  235  PROCES  DE  BOLSEO.  236  Turretin  I  c.  L'auteur  de  cette  piece  est  Myconius  dont  on  reconnait  la  main  dans  V  exemplaire  de  la  Ven.  Compagnie,  .  Fazy  p.  45.)  Viris  excellentissimis  ac  doctissimis  servis  Christi  Genevensis  ecclesiae  pastoribus  fratribus  et  symmystis  in  Domino  venerandis  suis.  S.  Accepimus  literas  magistratus  vestri,  *)  fratres  in  Domino  venerandi,  legimus  et  expendimus,  pro  temporis  ratione  satis.  Doluimus  autem,  quod  Satan  in  ecclesias  pias  zizania  subinde  spargit  indefessus,  et  concordiam  tentat  perturbare  magno  cum  periculo  gloriae  Dei:  nec  non  et  aliis  ecclesiis  notam  inurere  valde  cum  iniuria.  Indicare  videtur  ea  res  ingeniorum  sic  agentium  extremam  pravitatem.  Hic  dolor  suasit  itaque,  ut  paucis  ad  illas2)  responderemus:  pluribus  enim  non  opus  visum  est,  ne  verborum  nimietate  apud  aliquos  nos  redderemus  suspectos.  Hieronymus  ille  nobis  est  ignotus,  et  nos  nimirum  ipsi  ignoti  sumus.  Persuasi  igitur  et  doctrinam  nostram  non  magis  notam.  Improbe  ergo  nos  vocat  in  consortium  erroris  sui  ac  mendaciter.  Edidimus  iam  olim  confessionem  fidei  nostrae:  et  ea  hactenus  fuit  inculpata.  Sicut  igitur  in  illa  omnia  tractamus  simplicissime:  ita  et  de  electione,  ubi  locus  est,  agimus  orthodoxe.  Libet  ea  de  re  vel  verbo  dicere  sententiam  nostram.  Elegit  Deus  nos  in  Christo  Iesu  ante  constitutionem  mundi:  Ephe.  1.  Mittit  verbum  evangelii,  quod  est  de  Christo  filio  Dei  vivi:  qui  hunc  fide  recipit  servatur,  qui  non  recipit  condemnatur.  Marc.  ult.  Verbum  illud  mittitur  per  mundum  universum:  vult  enim  Deus  omnes  homines  salvos  fieri,  et  ad  agnitionem  veritatis  venire:  1  Timo.  2.  Communis  est  Deus  omnium:  communis  est  Christus  servator  omnium.  Caeterum  non  omnes  credunt,  qui  audiunt.  Non  trahit  omnes  pater.  Christus  enim  ait  Io.  6:  Nemo  potest  venire  ad  me,  nisi  pater  qui  misit  me  traxerit  eum  :  scriptum  est  enim  in  prophetis  :  Et  erunt  omnes  docti  a  Deo.  Quos  igitur  trahit,  credunt:  quos  non  trahit,  non  credunt:  et  in  his  sunt  qui  trahuntur,  ut  diximus,  et  tamen  non  credunt,  eo  quod  tractum  renuunt.  Faciunt  quod  Christus  dicit  Io.  3:  Haec  est  condemnatio,  quod  lux  venit  in  mundum,  et  dilexerunt  homines  magis  tenebras,  quam  lucem.  Voluptas  in  peccatis  placet,  ut  vitam  quae  est  secundum  Deum  plane  contemnant.  Tales  itaque  dum  condemnantur,  causa  sunt  propriae  condemnationis:  sicut  qui  servantur  habent  cur  et  cui  1)  literas  vestras  Y.  C.  B.  S.  2)  illas  vestras  iidem.