55:235  235  EPIST.  PETRI  I  236  propter  Christum.  Atque  hoc  studii  nostri  ardorem  magis  accendere  debet,  quum  audimus  Deum  tam  indulgenter  nobiscum  agere,  ut  in  Christo  aestimet  nostra  opera  quae  in  se  ipsis  nihil  merebantur.  Quamquam  particula  haec,  per  Christum,  apte  coniungi  posset  cum  verbo  offerendi.  Nam  similis  loquutio  habetur  ad  Hebraeos  cap.  13,  15,  per  ipsum  offeramus  hostiam  laudis  Deo.  Idem  tamen  manebit  sensus,  quia  per  Christum  offerimus,  ut  Deo  sacrificium  placeat.  6.  Propterea  etiam  continet  scriptura:  ecce  pono  in  Sion  lapidem  angularem,  electum,  pretiosum:  et  qui  crediderit  in  illo,  non  pudefiet  7.  Vobis  ergo  qui  creditis,  pretiosus  :  incredulis  vero,  lapis,  quem  reprobaverunt  aedificantes,  hic  positus  est  in  caput  anguli:  8.  et  lapis  impactionis,  et  petra  offendiculi  iis  qui  impingunt  in  sermonem,  nec  credunt  in  quod  etiam  ordinati  fuerant.  6.  Continet  scriptura.  Qui  verbum  7teptexetv  ad  Christum  referunt,  et  exponunt  complecti,  quia  per  ipsum  inter  se  hi  omnes  cohaereant,  procul  discedunt  a  mente  apostoli.  Nihilo  magis  recipienda  est  altera  expositio,  Christum  excellere.  Simpliciter  enim  scripturae  testimonium  citare  voluit  Petrus.  Significat  ergo  proditum  a  spiritu  sancto  in  scripturis,  vel  (quod  idem  valet)  illic  comprehendi  quod  subiicit.  Nec  vero  supervacua  fuit  proximae  sententiae  confirmatio.  Videmus  enim  quam  levibus  de  causis  ac  prope  nullis  abhorreant  multi  a  Christo,  nonnulli  vero  deficiant.  Sed  hoc  offendiculum  prae  aliis  maxime  quosdam  impedit:  abducit  alios  quod  Christum  non  modo  vulgus  hominum  contemnit  ac  respuit,  sed  qui  constituti  sunt  in  aliquo  dignitatis  gradu,  videnturque  inter  alios  excellere.  Hic  error  semper  fere  viguit  in  mundo,  et  hodie  nimium  grassatur,  ut  bona  pars  Christum  aestimet  ex  perverso  mundi  iudicio.  Porro,  quae  hominum  est  ingratitudo  et  impietas,  passim  contemnitur  Christus.  Ita  fit,  dum  alii  alios  respiciunt,  ut  pauci  iustum  honorem  illi  habeant.  Ideo  admonet  Petrus  quid  de  Christo  praedictum  fuerit,  ne  eius  contemptus  aut  reiectio  a  recta  fide  nos  dimoveat.  Caeterum  primus  locus,  quem  adducit,  sumptus  est  ex  Iesaiae  cap.  28,  18,  ubi,  postquam  invectus  est  propheta  in  deploratam  gentis  suae  malitiam,  tandem  subiicit,  Non  efficiet  vestra  perfidia  quin  deus  ecclesiam  suam  instauret,  quae  nunc  per  vos  tota  iacet  in  ruinis.  Modum  reparationis  adscribit:  Ponam  in  Sion  lapidem.  Unde  colligimus,  sine  Christo  nullum  esse  ecclesiae  aedificium:  neque  enim  alibi  quam  in  ipso  fundari  potest,  sicuti  Paulus  testatur  (1.  Cor.  3,  ll).  Nec  mirum:  in  eo  enim  comprehenduntur  omnes  salutis  nostrae  partes.  Ergo  quisquis  vel  minimum  ab  eo