52:235  235  SERMON  236  au  dernier  iour,  disant  qu'alors  nous  serons  rendus  admirables,  voire  d'autant  que  le  Fils  de  Dieu  Test:  et  pourtant  que  nous  ne  craignions  que  la  gloire  qu'il  mettra  en  nous  ne  soit  pour  effrayer  nos  ennemis,  tellement  qu'ils  seront  rendus  nostre  marchepied,  comme  aussi  l'Escriture  en  parle.  Mais  S.  Paul  monstre  yci  notamment  quels  sont  ceux  qui  doyvent  esperer  d'estre  participans  de  la  gloire  du  Fils  de  Dieu,  et  declare  les  fruits  de  ceux  qui  auront  creu,  quand  il  dit  les  Saincts.  Car  il  monstre  que  ceux  qui  sont  addonnez  aux  pollutions  de  ce  monde,  ne  doyvent  attendre  d'avoir  part  ne  portion  en  cest  heritage,  ne  de  communiquer  en  rien  qui  soit  au  Fils  de  Dieu.  Cependant  quand  il  adiouste:  ceux  qui  ont  creu,  il  monstre  quelle  est  la  vraye  source  et  origine  de  toute  sainctete,  c'est  ascavoir  la  foy.  Et  tiercement  il  monstre  que  si  nous  avons  une  foy  pure  et  droite,  il  est  impossible  que  nous  ne  soyons  sanctifiez  quant  et  quant.  Voyla  donc  trois  points  que  nous  avons  a  noter.  Le  premier  est  que  si  maintenant  nous  venons  nous  souil-  Jer  et  veautrer  en  nos  ordures  et  pollutions,  nous  sommes  retranchez  du  Fils  de  Dieu,  et  pourtant  n'attendons  pas  que  sa  venue  nous  profite:  mais  qu'il  nous  souviene  de  ce  qui  est  dit  par  le  Prophete,  Ne  desirez  point  que  le  iour  du  Seigneur  viene,  car  il  nous  sera  un  iour  de  frayeur  et  d'estonnement  et  non  point  de  salut  et  de  ioye.  Il  pera  un  iour  de  cruaute  et  de  confusion,  il  sera  un  iour  d'obscurite  et  tenebres.  Pource  que  de  ce  temps-la  il  y  avoit  beaucoup  d'hypocrites  qui  se  couvroyent  du  nom  de  Dieu,  le  Prophete  leur  monstre  que  cela  leur  sera  bien  cher  vendu.  En  cas  pareil  nous  verrons  auiourd'huy  les  plus  meschans  qui  prononceront  a  pleine  bouche  et  a  plein  gosier,  Et  comment?  pense-on  que  nous  ne  craignions  point  Dieu,  et  que  nous  ne  veuillions  estre  aussi  bons  Chrestiens  que  les  autres?  Voire:  et  cependant  ce  seront  gens  desbauches  et  pleins  de  toute  impiete  qui  auront  autant  de  religion  que  chiens  et  porceaux.  Quand  ils  seront  examinez  en  leur  vie,  on  les  verra  pleins  de  desloyaute,  on  verra  qu'il  n'y  a  ne  foy  ne  loyaute  en  eux,  non  plus  qu'en  des  renards:  on  les  verra  pleins  de  trahison  et  de  periures,  on  les  verra  pleins  de  cruaute,  pleins  d'amertume  contre  leurs  prochains:  on  les  verra  s'addonner  a  toute  nuisance  et  outrage,  on  les  verra  pleins  de  corruption,  que  quiconques  leur  donnera  le  plus  il  les  gaignera  :  ils  tiendront  boutique  ouverte  pour  prendre  a  toutes  mains,  tellement  que  non  seulement  ils  vendront  la  foy,  mais  leur  honneur,  devant  les  hommes:  ils  tiendront  foire  et  marche  de  s'exposer  a  tout  mal.  Brief,  on  les  voit  des  impudens  contempteurs  iusques  au  bout,  et  cependant  ils  ne  laissent  point  de  se  vanter  qu'ils  sont  des  plus  avancez  en  l'Eglise  de  Dieu,  et  Dieu  leur  ai-