47:235  235  IN  EVANGELIUM  IOANNIS  236  fieri,  si  in  caecorum  ordinem  cogerentur:  et  simul  fastuosum  gratiae  Christi  contemptum  una  cum  ludibrio  prae  se  fert,  ac  si  dicerent:  Tu  igitur  sine  probro  nostro  inclarescere  non  potes:  hoccine  ferendum  est,  ut  tibi  honorem  ex  contumelia  nostra  acquiras?  Quod  autem  caecis  novam  lucem  promittis,  abi  hinc  et  facesse  cum  tuo  beneficio:  neque  enim  hac  mercede  illuminari  abs  te  volumus,  ut  obtineas  nos  hactenus  fuisse  caecos.  Hinc  perspicimus  superbam  et  virulentam  semper  esse  hypocrisin.  Superbiae  est,  quod  se  ipsis  contenti  sibi  quidquam  adimi  nolunt,  virulentiae,  quod  ostenso  morbo  tanquam  graviter  laesi  exasperantur  et  cum  Christo  expostulant.  Hinc  Christi  et  gratiae  quam  offert  contemptus.  Emphasis  est  in  particula  etiam:  quia  significant,  quamvis  reliqui  omnes  caeci  sint,  indignum  tamen  esse  ut  ipsi  in  communi  ordine  censeantur.  Vitium  eis  qui  supra  alios  eminent  nimis  familiare,  ut  fastu  ebrii  propemodum  se  obliviscantur  esse  homines.  Si  caeci  essetis.  Duplex  his  verbis  potest  inesse  sensus,  vel  quod  ignorantia  sublevaret  aliqua  ex  parte  eorum  culpam,  nisi  plane  convicti  cum  veritate  data  opera  pugnarent,  vel  quod  medicabilis  in  ipsis  esset  ignorantiae  morbus,  si  modo  eum  agnoscerent.  Priorem  sententiam  confirmant  Christi  verba,  quae  habebimus  capite  decimoquinto:  Si  non  venissem  et  loquutus  fuissem  eis,  peccatum  non  haberent,  ete.  Sed  quia  hic  in  contextu  sequitur,  quod  se  videre  dicant,  ut  inter  se  respondeant  antitheta,  videtur  hoc  melius  congruere,  si  exponas  caecum  esse,  qui  propriae  caecitatis  conscius  remedium  morbo  quaerit.  Hoc  modo  summa  erit,  si  agnosceretis  malum  vestrum,  non  esset  prorsus  incurabile:  nunc  autem  quia  vos  putatis  sanos,  manetis  desperati.  Quum  peccatum  eos  non  habere  dicit  qui  caeci  sunt,  non  ita  excusat  ignorantiam,  quasi  innoxia  et  extra  culpae  reatum  esset,  tantum  significat  promptum  esse  morbo  remedium,  ubi  serio  sentitur:  quia  dum  caecus  ad  liberationem  adspirat,  Deus  ad  ferendam  opem  paratus  est.  Insanabiles  autem  sunt,  qui  in  malis  suis  stupidi  gratiam  Dei  spernunt.  CAPUT  X.  1.  Amen,  amen  dico  vobis,  qui  non  ingreditur  per  ostium  in  stabulum  ovium,  sed  adscendit  aliunde,  ille  fur  est  et  latro.  2.  Qui  autem  ingreditur  per  ostium,  pastor  est  ovium.  3.  Huic  ostiarius  aperit,  et  oves  vocem  eius  audiunt:  et  proprias  oves  vocat  nomine  et  educit  eas.  4.  Et  quum  proprias  oves  emiserit,  ante  eas  vadit,  et  oves  eum  sequuntur:  quia  noverunt  vocem  eius.  5.  Alienum  nero  non  sequuntur,  sed  fugiunt  ab  eo:  quia  non  noverunt  alienorum