30:235  235  HOMILIA  LXIV.  236  recipiendos,  neque  respecturum  quales  simus  quidve  promeriti,  sed  misericordia  sua  nos  amplexaturum.  Nae  si  testimonium  illud  conscientia  nobis  dictaverit,  certi  erimus  non  tantum  ad  vitam  aeternam,  servatorem  nostrum  fore:  sed  etiam  in  vita  praesenti  adiutorem,  et  in  summis  angustiis  et  difficultatibus  liberatorem.  Porro  quum  dicit  David  ut  sciat  omnis  terra  quia  est  Deus  in  Israel,  non  inde  sequitur  incredulos  posse  ad  veram  Dei  cognitionem  venire,  et  specialem  curam  quam  de  Israelitis  gerit  agnoscere:  sed  perinde  est  ac  si  David  diceret,  ipsos  ethnicos  et  profanos  propria  conscientia  teste  convictum  iri,  Dei  virtute  sola  populum  illum  qui  prostratus  iacebat  liberatum.  Nam  increduli  semper  caecutiunt:  sola  fides  luce  spirituali  illustratur.  Deo  itaque  potentiam  suam  exserente,  terreni  et  increduli  homines  obstupefacti  caecutiunt,  quemadmodum  et  apud  Isaiam  dicitur:  Improbum  nunquam  Dei  gloriam  cognoscere.  Verum  enimvero  vel  qui  maxime  caecutiunt  Dei  manum  experiri  et  sentire  coguntur,  atque  idcirco  obstupescere  et  horrere.  Hinc  illae  in  sacris  usitatae  loquendi  phrases,  Dei  contemptores  cogi  ipsum  adorare  et  ipsi  mentiri,  et  aliae  similes,  quibus  non  quidem  ad  Deum  confugere  dicuntur  improbi,  neque  ab  ipsius  verbo  pendere,  neque  etiam  de  acceptis  ab  ipso  beneficiis  gratias  agere,  (licet  aliquando  quos  vult  Deus  ad  se  convertat,  sed  reprobi  Deo  licet  fulminante,  coelumque  terramque  concutiente,  et  montes  altissimos  commovente,  nunquam  emendantur  neque  convertuntur,  quin  potius  magis  ac  magis  indurantur)  sed  vel  inviti  agnoscere  Dei  manum  et  opus.  Deus  itaque  sic  operatur  ut  in  admirationem  omnes  rapiat,  et  improbi  homines,  et  maxime  contumaces,  et  arrogantiae  pleni  cogantur  istis  operibus  affici,  et  vel  inviti  fateri  divinum  istud  non  humanum  opus  esse.  Sed  non  sine  blasphemia,  nam  aiunt:  Aut  Deus  aut  diabolus  effecit.  Improbos  igitur  homines  videmus  Dei  quidem  cognitiore  affici,  velint  nolint,  quum  virtus  ipsius  in  ipsorum  oculos  incurrit:  verum  tamen  Dei  gloriae  pro  viribus  reluctari.  De  tali  cognitione  et  scientia  loqui  Davidem  hoc  loco  certum  est,  quum  ait  universam  terram  cognituram  Deum  esse  in  Israele,  id  est  improbos  et  incredulos  homines,  Dei  virtutem  invictam  non  confitentes,  legemque  ipsius  et  cultum  in  Israele  praescriptum  contemnentes,  sensuros  tamen  Israelem  non  viribus  humanis,  non  armis,  non  aliis  praesidiis,  sed  sola  Dei  virtute  servatum:  et  prostrato  tam  miraculosa  victoria  Goliatho  cognituros  reliquam  hostium  stragem  esse  a  Domino.  Quae  deinceps  verba  sequuntur,  alium  sensum  habent:  Et  noverit  universa  ecclesia  haec,  quia  non  in  gladio^  nec  in  hasta  salvat  Dominus,  Ecclesiam  quum  dicit  populum  Israelis  intelligit,  ac  proinde