27:235  235  SERMON  LXXXVI.  236  choses  n'adviennent  point  sans  que  Dieu  l'ordonne:  et  puis  il  monstre  la  fin,  et  la  raison  pourquoy:  c'est  que  les  fidelles  ont  dequoy  se  confermer,  sachans  bien  que  Dieu  leur  donnera  constance  pour  tenir  bon,  encores  que  la  tentation  soit  rude  et  violente.  Voici  donc  deux  choses  que  nous  avons  a  retenir.  En  premier  lieu  il  est  dit:  Dieu  te  tente.  Or  par  cela  il  monstre  que  Satan  n'a  nul  pouvoir  sur  nous,  et  qu'il  ne  pourra  point  semer  de  meschantes  zizanies,  sinon  d'autant  que  Dieu  luy  en  donne  conge.  Et  ceci  nous  est  bien  necessaire:  car  si  nous  pensions  que  le  diable  eust  la  porte  ouverte,  et  que  tous  erreurs  se  puissent  eslever  comme  a  l'aventure,  et  que  Dieu  ne  gouvernast  point  par  dessus  :  helas  i  que  seroit-ce  ?  Oar  nous  voyons  comme  le  diable  est  enrage  pour  ruiner  toute  verite:  nous  voyons  de  quelle  fureur  il  procede,  quand  il  est  question  de  batailler  contre  le  royaume  de  nostre  Seigneur  Iesus  Christ:  nous  voyons  aussi  quelle  haine  il  porte  a  nostre  salut.  Et  ainsi  les  choses  seroyent  par  trop  confuses,  sinon  que  Dieu  besongnast  pour  empescher  Satan  qu'il  n'ait  la  vogue,  et  qu'il  ne  vienne  dresser  ses  mensonges  au  milieu  de  nous.  Et  ainsi  cognoissons  toutes  fois  et  quantes  qu'il  y  a  des  troubles,  qu'il  y  a  des  divisions  et  disputes  en  l'Eglise,  que  cela  n'advient  point  de  cas  fortuit  :  mais  que  Dieu  besongne  par  dessus,  et  que  c'est  luy  qui  conduit  tout:  comme  Moyse  le  proteste:  Ton  Dieu  te  tente.  Voila  donc  comme  en  cognoissant  que  Dieu  nous  tient  sous  sa  main,  nous  serons  asseurez  que  les  erreurs  et  abus  ne  pourront  avoir  nul  accez  envers  nous,  sinon  d'autant  que  nostre  Seigneur  leur  donne.  Voila  pour  un  item,  afin  que  nous  ne  cuidions  point  que  le  diable  domine  a  son  appetit,  et  qu'il  face  tout,  comme  maugre  que  Dieu  en  ait:  car  il  faut  qu'il  ait  conge  du  maistre.  Or  maintenant  venons  a  ce  que  Moyse  adiouste  de  la  fin  et  raison  pourquoy  Dieu  le  fait.  Car  nous  pourrions  trouver  estrange.  Quoy?  que  Dieu  nous  tente?  que  les  erreurs  se  disent  ainsi  estre  de  Dieu?  Et  il  seroit  autheur  de  mensonge.  Et  puis  :  Dieu  incite-  il  le  diable  a  mal?  Nous  pourrions  donc  estre  ici  comme  scandalisez.  Mais  quand  Moyse  adiouste  que  Dieu  fait  cela  pour  iuste  cause,  alors  le  scandale  est  abatu,  il  dit  qu'il  nous  tente,  c'est  a  dire,  qu'il  nous  espreuve.  En  quelle  sorte?  Si  nous  aimons  le  Seigneur  nostre  Dieu.  Or  par  cela  il  monstre  (comme  i'ay  desia  touche),  que  moyennant  que  nous  ayons  un  coeur  droit  et  pur,  et  que  nous  ayons  receu  sa  verite  sans  hypocrisie:  qu'il  nous  aidera  au  besoin,  et  serons  soustenus  en  sa  vertu:  tellement  que  Satan  se  pourra  efforcer  tant  et  plus,  mais  la  victoire  demeurera  tousiours  de  nostre  coste.  Et  c'est  ce  que  i'ay  aussi  touche  de  sainct  Paul,  ou  il  dit,  que  tous  les  faux  miracles  qui  ad-