49:234  hominum  salus  reponitur:  quum  nullis  praeceptis,  nullis  sanctionibus  sic  pia  mens  ad  obsequium  Dei  formetur,  ut  seria  divinae  in  se  bonitatis  meditatione?  Simul  hic  apostolici  spiritus  lenitatem  videre  est,  quod  admonitionibus  et  amicis  obsecrationibus  quam  rigidis  iussis  agere  maluit  apud  fideles:  quia  hac  via  se  plus  noverat  inter  dociles  profecturum.  Ut  sistatis  corpora  vestra.  Hoc  ergo  principium  recti  ad  bona  opera  cursus  est,  si  intelligamus  nos  esse  Domino  consecratos.  Inde  enim  sequitur,  ut  vivere  nobis  desinamus,  quo  omnes  vitae  actiones  destinemus  in  eius  obsequium.  Itaque  duo  sunt  hic  consideranda.  Primum  nos  esse  Domini  :  deinde  eo  ipso  sacros  esse  oportere,  quia  hoc  Dei  sanctitate  indignum  est,  ut  illi  quidpiam  offeratur  non  prius  consecratum.  Hoc  posito,  simul  sequitur,  sanctitatem  tota  vita  esse  meditandam:  nec  specie  sacrilegii  carere,  si  ad  immunditiem  relabimur:  quoniam  id  nihil  aliud  est  quam  rem  sanctificatam  profanare.  Ubique  autem  servatur  magna  verborum  proprietas.  Principio  dicit,  corpus  nostrum  oportere  offerri  in  sacrificium  Deo.  Quo  insinuat  nos  iam  non  esse  nostri  iuris,  sed  penitus  in  Dei  potestatem  transisse.  Quod  aliter  fieri  non  potest,  nisi  ut  nobis  renuntiemus,  atque  adeo  nos  abnegemus.  Adiunctis  deinde  epithetis  declarat  quale  oporteat  esse  illud  sacrificium.  Vivum  enim  appellans,  significat  ea  lege  nos  Domino  immolari,  ut  mactata  in  nobis  priore  vita,  in  vitam  novam  excitemur.  In  nomine  s  a  n  c  t  i  t  a  t  i  s  notat  illud  de  quo  diximus  sacrificii  proprium:  tum  enim  demum  rata  est  hostia,  ubi  sanctificatio  praecessit.  Tertium  epithetum,  quum  rite  compositam  esse  vitam  admonet1),  ubi  hanc  nostri  immolationem  ad  Domini  placitum  dirigimus,  tum  raram  consolationem  nobis  adfert,  quod  docet  gratum  acceptumque  Deo  esse  nostrum  studium,  ubi  nos  innocentiae  ac  sanctitati  devovemus.  Corpora  autem  non  vocat  ossa  tantum  et  cutem,  sed  totam  massam,  qua  constamus:  et  eo  quidem  nomine  usus  est,  quo  melius  designaret  omnes  nostri  partes  per  synecdochen.  Nam  membra  corporis  sunt  exsequendis  actionibus  instrumenta.  Alioqui  requirit  a  nobis  integritatem  non  corporis  modo,  sed  animae  quoque  et  spiritus,  ut  1.  Thessal.  5,  23.  Quod  iubet  nos  sistere,  in  eo  allusio  quidem  est  ad  mosaica  sacrificia,  quae  ad  altare  tanquam  in  Dei  conspectum  exhibebantur:  sed  tamen  eleganter  ostendit  quam  promptitudinem  afferre  debeamus  ad  excipienda  Dei  iussa,  quo  illis  sine  mora  obsequamur.  Unde  colligimus  nihil  quam  misere  errare  et  vagari  cunctos  mortales,  quibus  non  est  propositum  Deum  colere.  Iam  etiam  habemus  quae  sacrificia  commendet  Paulus  christianae  ecclesiae.  Unico  enim  sacrificio  per  Christum  Deo  reconciliati  ipsius  gratia  facti  sumus  om-  4)  nos  ut  dirigamus  18