30:234  que  in  nos  virus  efflant,  eo  propinquiores  esse  suo  exitio:  et  quo  magis  securi  sibi  videntur,  et  de  victoria  certi  quasi  consiliis  suis  ad  exitum  perductis,  eo  citius  et  momento  quidem  a  Deo  in  exitium  deturbandos.  Pergamus  ad  insignem  illam  Davidis  sententiam:  Et  sciat  omnis  terra  quia  est  Deus  in  Israel,  et  noverit  universa  ecclesia  haec,  quia  non  in  gladio,  nec  in  hasta  salvat  Dominus.  Eadem  verba  David  quae  supra  repetit  sed  illud  observandum  quod  ait:  Et  sciat  omnis  terra  quia  est  Deus  in  Israel  Nam  istis  verbis  declarat,  quibus  viribus,  qua  audacia  fretus  tam  intrepide  Goliathum  aggrediatur,  nempe  Dei  virtute,  qui  verbum  suum  sit  impleturus,  et  ecclesiam  suam  tutaturus.  Nihil  igitur  hic  sibi  temere  David  finxit,  ut  solemus  plerumque  multa  nobis  temere  persuadere:  et  inani  quadam  audacia  freti  montes  aureos  nobis  polliceri,  quasi  nubes  ipsas  simus  transcensuri  :  sed  David  Dei  promissionem  specialem  de  tutando  et  defendendo  Israele  respiciebat.  Nam  terra  quidem  universa  est  Iehovae:  sed  tamen  Israelem  scimus  Deum  sibi  in  peculium  delegisse.  Quare  quum  dicit  Deum  esse  in  Israele,  non  imaginatur  quandam  ecclesiam,  sed  Dei  ipsius  verbo,  quod  fallere  non  potest,  nititur.  Quando  igitur  Dei  nomen  ut  scutum  hostibus  obiicere,  eoque  tegi  voluerimus,  danda  opera  est,  ut  ipsius  verbo  freti  simus,  ne  temere  illud  assumamus,  ut  multi  solent  Dei  nomine  gloriari,  qui  tamen  eius  virtutem  ignorant,  neque  unquam  eius  fuerunt  studiosi��  Quamobrem  si  rectam  esse  et  approbatam  fidem  nostram  cupimus,  et  cum  ea  fiducia  coniunctam  qua  hostium  conatus  ridere  possimus,  oportet  nos  certo  persuasos  esse  Dei  infinita  et  inaestimabili  bonitate  et  clementia  nos  esse  in  filios  adoptatos,  et  ut  essemus  ipsius  ecclesia  vocatos:  ideoque  velle  ipsum  a  nobis  ut  patrem  invocari,  et  persuasos  esse  nos  ipsius  esse  filios,  et  utilitatem  quae  inde  ad  nos  redit  agnoscere:  quod  ex  singulare  sua  misericordia  voluerit  in  filios  adopta  -.  Nos  itaque  Dei  nomine  laetari  non  possumus,  nisi  certam  fiduciam  in  ix  ~o  habeamus,  fretam  fide  non  dubia  quam  ex  ipsius  promissis  hausimus:  hic  enim  unicus  fons  est  nostrae  fiduciae.  Idcirco  itaque  David  dicebat  Deum  esse  in  Israele:  non  quod  eum  sibi  populus  posset  devincire,  sed  quod  ex  mera  bonitate  praesentiam  suam  ibi  pollicitus  esset,  et  in  omnibus  angustiis  auxilium.  Nos  vero  hodie  licet  ab  Abrahamo  non  ducamus  originem,  tamen  in  locum  Israelitarum  successimus,  quemadmodum  docet  Paulus  apostolus,  quoniam  in  Christum  insiti  sumus  qui  antea  eramus  oleaster,  in  radicem  illam,  inquam,  a  Deo  ipso  consecratam,  quum  per  fidem  facti  samus  Domini  nostri  Iesu  Christi  membra.  Hoc  itaque  sufficiat  nos  a  Deo  per  evangelium  fuisse  vocatos,  et  promissiones  nobis  factas  nos  ab  ipso  in  gratiam