27:234  trop  haut.  Il  faut  bien  donc  que  telles  gens  trebuschent  en  une  ruine  horrible.  Et  pour  ceste  cause  advisons  de  nous  brider,  que  nos  esprits  ne  vaguent  point  en  curiosite  frivole:  et  si  tost  que  nous  verrons  que  le  diable  machine  de  falsifier  la  pure  verite  de  Dieu,  que  nous  ayons  les  aureilles  bouchees,  que  nous  n'escoutions  rien  de  tout  cela:  mais  que  nous  l'ayons  en  detestation.  Or  qui  plus  est:  Moyse  dit  :  Que  si  le  fauxprophete  apportoit  quelque  signe,  on  quelque  miracle,  et  que  cela  advinst,  qu'encores  ne  le  doit-on  point  escouter.  Ici  il  declaire  que  nous  devons  avoir  une  telle  constance  et  fermete  en  nostre  foy,  que  mesmes  elle  ne  se  puisse  point  renverser,  encores  qu'il  y  ait  grande  occasion  de  scandale.  Comme  s'il  y  a  une  telle  illusion  de  Satan,  qu'un  faux-prophete  nous  dise:  Telle  chose  adviendra:  si  elle  est  advenue,  nous  voila  esperdus:  et  c'est  quasi  pour  renverser  un  edifice,  encore  qu'il  ait  este  bien  basti,  sinon  que  Dieu  y  besongne  d'une  vertu  plus  qu'humaine.  Mais  quoy  qu'il  en  soit,  si  faut-il  que  la  verite  de  Dieu  soit  si  puissante,  de  nous  retenir  contre  une  telle  tentation:  que  si  le  diable  apportoit  quelque  illusion,  qu'il  ne  gagne,  et  ne  profite  rien  envers  nous.  Or  notons,  que  Moyse  devant  que  parler  ainsi,  nous  a  donne  une  certaine  declaration  des  fauxprophetes,  c'est  a  dire,  de  ceux  qui  nous  veulent  destourner  du  vray  Dieu  que  nous  aurons  cogneu,  et  nous  veulent  envelopper  en  des  superstitions  meschantes,  ou  il  n'y  a  nulle  raison.  Quand  nous  avons  cela,  il  ne  se  faut  point  esbahir  si  nostre  Seigneur  veut  que  nous  resistions  a  tout  ce  que  le  diable  nous  mettra  au  devant  des  yeux,  pour  les  nous  esblouir,  voire  mesmes  quand  il  y  auroit  des  faux  miracles,  voire  tellement  que  ce  qu'un  faux-prophete,  ou  un  seducteur  aura  predit  adviendra:  qu'il  ne  faut  point  pour  cela  estre  seduit.  Nous  voyons  donc  en  somme  quelle  est  l'intention  de  Moyse,  c'est  assavoir  que  nous  devons  estre  si  bien  munis  en  la  parolle  de  Dieu,  qu'encores  que  le  diable  hurte  avec  grande  violence,  et  qu'il  ait  des  moyens  pour  nous  seduire,  que  nous  ne  soyons  point  veincus,  que  nostre  foy  soit  comme  une  forteresse  bien  garnie  :  et  encores  qu'on  Passaille,  que  l'artillerie  donne  a  l'encontre:  que  toutesfois  elle  repousse  les  coups,  et  qu'elle  soit  si  puissante,  qu'elle  ne  soit  point  veincue  des  ennemis.  Or  maintenant  notons,  que  si  Dieu  envoye  de  tels  faux  miracles,  ce  n'est  pas  afin  que  les  siens  soyent  surprins  :  mais  c'est  pour  punir  ceux  qui  n'ont  point  creu  a  l'Evangile:  comme  sainct  Paul  en  parle  en  la  seconde  des  Thessaloniciens.  Et  pourtant  Moyse  aussi  adiouste  :  Dieu  (dit-il)  alors  te  veut  tenter  si  tu  V  aimes  de  tout  ton  coeur,  et  de  toute  ton  ame.  C'est  un  mot  qui  merite  bien  d'estre  note.  Car  en  premier  lieu  Moyse  declaire  que  telles