20:234  4068.  RUGERUS  BULLINGERO.  De  turbis  ab  Ochino  et  Sufaero  excitatis.  An  Ochinus  cum  Cardinale  Lotharingo  colloquutus  sit  Be  foedere  cum  Gallo  renovando.  *)  (Ex  Fusslini  Centuria  Bpp.  Reform.  N.  96,  p.  462,)  S.  D.  Non  dubito,  vir  praestantissime,  quin  praesertim  hac  rerum  tempestate  infinitae  et  gravissimae  sint  tibi  occupationes,  quae  utinam  non  aliquando  nimium  tuam  humanitatem  gravarent,  quo  diutius  nobis  superstes  esse  possis.  Quod  attinet  Ochiniana,  descripsi  illa  citius  eaque  remitto  omnia  summa  cum  gratiarum  actione,  quod  ante  aliquot  dies  factum  esset  nisi  forte  fortuna  Augustinus  noster  advenisset,  cui  libentius  quam  alteri  cuiquam  volui  committere.  Et  illa  omnia  certe,  ut  dixisti,  desideravi  anxie,  idque  multas  ob  causas.  Quam  bene  autem  egisti  quod  Rhaetos  admonuisti  ne  seducantur,  quum  miser  ille  Ochinus  eosdem  petere  dicatur.  Semper  et  nos  de  huiusmodi  admonendi  sumus  et  talia  nobis  significanda:  rationes  in  promptu  sunt  multae.  Ego  nihil  aliud  suspicor  vel  metuo  quam  in  hoc  omnia  institui  et  instituta  esse  ut  scindantur  nostrae  ecclesiae.  Supersunt  autem  plura  alia  scandala  quam  conveniat.  Deus  conservet  nos,  peccata  non  imputet,  neque  pro  eorum  meritis  puniat.  Quam  primum  responsio  de  causa  Sulceriana  2)  ad  vos  perlata  fuerit,  quaeso  significate  nobis  omnia,  quid  vos  et  vestri  de  eo  sentiatis,  quidve  acturi  ex  utraque  parte  amplissimus  magistratus  et  vos  sitis.  Miramur  quomodo  se  res  habeat,  quod  de  novo  pristinam  confessionem  edi  curarunt,  cui  et  Suherus  denuo  subscripsisse  dicitur.  Et  Basilienses  in  tertium  coelum  evehunt  SuUerum.  Sunt  etiam  apud  nos  quidam  qui  illum  laudant  et  suspiciunt,  quibus  si  modo  occasio  esset  forsan  etiam  conarentur  obtrudere  confessionem  Augustanam  :  eam  si  nollemus,  occasio  illis  esset  nos  eiiciendi.  Sed  Dominus  novit  suos.  De  colloquio  Cardinalis  et  Berrihardi9)  nihil  plane  intelligere  potui.  Cardinalis  hac  celeriter  transiit  per  urbem,  circa  dimidiam  tertiam  xvii  Decembris  cum  quatuordecim  equitibus,  qui  omnes  cum  ipso  erant  obducti  albis  palliis.  Perrexit  ea  profectione  in  civitatulam  pertinentem  ad  nostri  magistratus  ditionem.  Crastina  mane  festinanter  4068.1)  Cf.  N.  4065.  2)  i  e.  de  consensu  Argentoratensi  cui  Sulzerus  subscripsit  (N.  3919).  3)  Ochini.  Vide  N.  4065.