10.1:234  la  mere  et  de  la  fille  ou  de  la  tante  et  de  la  niepce.  Or  chascun  confesse  que  Dieu  en  ha  aultrement  dispose,  encore  que  Moyse  n'en  ait  rien  exprime,  comme  de  faict  il  ne  parle  point  en  methode  subtile,  mais  propose  en  simplicite  ce  qui  nous  doibt  bien  suffire.  Mesmes  il  n'y  auroit  nulle  dispute  de  ceci,  n'estoit  l'ombre  ou  couleur  qu'on  emprunte  de  ce  qui  est  escript:  Tu  ne  prendras  point  a  femme  la  soeur  de  celle  que  tu  as  tant  qu'elle  vit.  Si  ceste  loy  n'estoit  point,  tous  confesseroyent  sans  contredict  que  le  mariage  avec  les  deux  soeurs  est  illicite  comme  on  le  peult  aisement  recueillir.  Maintenant  soubs  ombre  qu'il  n'y  a  defense  que  pour  le  temps  de  la  vie  on  veult  conclurre  qu'apres  le  trespas  il  est  permis.  Or  ceulx  qui  se  fondent  sus  une  telle  exclusive  ont  mal  regarde  a  l'intention  du  legislateur.  Car  il  n'est  point  la  parle  de  turpitude  ni  inceste,  mais  seulement  la  cruaute  est  defendue  de  mettre  deux  soeurs  en  pique  et  contention.  Ainsi  une  Loy  qui  regarde  a  humanite  est  tiree  par  les  cheveux  quand  on  la  mesle  parmi  la  defense  des  mariages  incestueux.  Il  est  bien  certain  que  Dieu  ha  voulu  mettre  ceste  exception  en  la  polygamie,  que  si  les  Iuifs  faisoyent  tort  a  leurs  femmes  premieres  en  introduisant  des  secondes  en  leur  lict,  que  pour  le  moins  ung  tel  combat  ne  fust  point  entre  les  soeurs.  Pour  ceste  cause  les  Rabbins  ont  estime  que  notamment  Dieu  avoit  deboute  le  peuple  ancien  de  l'excuse  qu'ils  pouvoyent  arracher  de  Lea  et  Rachel,  comme  si  le  faict  du  Patriarche  Iacob  les  eust  iustifiez.  Mais  a  la  verite  ceste  loy  ne  doibt  estre  restreincte  aux  soeurs  germaines,  veu  qu'elle  comprend  les  cousines  et  tout  le  parentage,  comme  s'il  estoit  defendu  de  despiter  la  femme  iusqu'a  la  faire  batailler  contre  son  propre  sang.  Si  ceste  interpretation  n'est  receue,  nous  praticquerons  la  reigle  que  sainct  Paul  nous  donne,  de  les  laisser  pour  tels  qu'ils  sont  quand  ils  veulent  ignorer  a  leur  escient  ce  qui  est  assez  notoire.  Touchant  le  droict  civil,  quand  tout  sera  bien  deduict,  la  coustume  et  experience  fera  foy  que  iamais  ceste  liberte  n'a  este  receue  soubz  l'empire  de  Rome.  Nous  ne  respondons  point  a  tout  ce  qui  est  amene  pour  monstrer  qu'on  ne  doibt  craindre  le  scandale  en  ce  cas.  Seulement  il  nous  fait  mal  que  l'escrivain  se  soit  si  fort  transporte  en  la  vehemence  de  ses  passions  qu'il  vouldroit  quasi  faire  a  croire  que  la  Chrestiente  ne  peut  estre  sauvee  si  ce  meslinge  n'est  receu.  Nous  confessons  bien  que  quand  le  pape  en  ha  dispose  c'a  este  en  presupposant  qu'il  n'estoit  point  defendu  par  la  loy  de  Dieu.  Mais  l'erreur  se  descouvre  par  l'exposition  droicte  et  naifve  que  nous  avons  n'a  quieres  recitee.  -  Dieu  vueille  faire  la  grace  a  tous  de  ne  se  point  enyvrer  en  curiositez  frivoles  non  plus  qu'en  foles  amours.  De  nostre  part  nous  ne  pensons  pas  avoir  rien