8:233  233  PKOCES  DE  BOLSEC.  234  nantem,  tribuimus  voluntariam  et  bonam  operationem:  ita  tamen,  ut  in  reliquiis  carnis  nostrae,  donec  in  hoc  saeculo  vivimus,  semper  inveniat  gratia  quod  operetur  ac  diluat,  iuxta  illud  apostoli:  Idem  ego  mente  servio  quidem  legi  dei,  carne  vero  legi  peccati.  Item:  Non  sumus  idonei  ex  nobis  ipsis  cogitare  aliquid,  tanquam  ex  nobis  ipsis,  sed  omnis  idoneitas  nostra  ex  Deo  est.  Et  iterum:  Deus  est,  qui  operatur  in  nobis  velle  et  perficere,  pro  bona  sua  voluntate.  Porro  quod  reprobi  verbo  Dei  non  credunt,  sed  impie  contra  Deum  et  verbum  eius  vivunt:  id  quidem  ipsis,  non  Deo,  imputari  debet.  Deus  enim,  immaculata  via  eius,  qui  iniquitatem  non  vult,  sed  iustus  est  in  omnibus  viis  suis,  et  sanctus  in  omnibus  operibus  suis.  Ergo  qui  pereunt  homines,  sua  culpa  propria  pereunt.  Cuius  quidem  generis  non  disparia  ante  biduum  scripsimus  fratribus  nostris,  ecclesiae  vestrae  ministris.  Errat  Hieronymus,  nec  recte  beatae  memoriae  Zuinglii,  doctoris  ecclesiae  nostrae  fidelis,  sensum  et  mentem  intellexit:  si  putat  illum  docuisse,  hominem  necessitate  adactum,  adeoque  a  Deo  compulsum,  peccare.  Ut  enim  huius  aliquid  fere  colligi  posse  videatur  libro  eius  de  providentia  Dei,  alii  tamen  eius  libri  etiam  consulendi  sunt,  quos  ante  et  post  illum  edidit:  in  quibus  diserte  culpam  peccati  non  derivat  in  Deum,  sed  ex  humana  corruptione  et  affectu  ultroneo.  Vivimus  adhuc  multi,  qui  ipsum  audivimus  concionantem,  ac  scimus  illum  semper  religiose  de  hoc  negotio  fuisse  loquutum.  Haec  paucula  vestrae  excellentiae  respondere  et  quid  nobis  videatur  recolligere  voluimus,  obsecrantes  pietatem  vestram,  ut  hoc  officium  nostrum  boni  consulatis,  ac  perpetuis  precibus  augmentum  donorum  Dei  a  Deo  patre  per  Christum  Iesum  postuletis:  quo  liceat  nobis  inculpate  coram  illo  ambulare  per  gratiam  eius,  ac  tandem  promissam  vitam  consequi.  Gratia  Domini  nostri  Iesu  Christi  sit  vobiscum.  Tiguri  prima  Decembris  Anno  1551.  Vestrae  excellentiae  dediti  Pastores  et  doctores  ministri  ecclesiae  Tigurinae.  Piissimis  ac  clarissimis  viris  D.  Coss.  et  amplissimo  senatui*  reip.  Genevensis  dominis  suis  colendis.l)  1)  Haec  inscriptio  manu  Bullingeri  addita  est  exemplari  Genevensi.  XLIX.