55:233  233  CAPUT  II.  234  ad  Hebraeos.  Hic  vero  lac,  non  elementaris  est  doctrina,  ut  perpetuo  quis  discat,  nunquam  ad  veritatis  perveniat  notitiam  :  sed  vitae  ratio  quae  novam  genituram  sapiat,  quum  nos  permittimus  Deo  educandos.  Similiter  infantia,  non  virili  et  plane  adultae  Christi  aetati  (ut  alibi  Paulus  vocat  [Eph.  4,  13]),  sedvetustati  carnis  et  prioris  vitae  opponitur.  Porro  sicuti  perpetua  est  novae  vitae  infantia,  ita  continuum  lactis  alimentum  Petrus  commendat:  vult  enim  nos  ipso  educatos  grandescere.  3.  Si  quidem  gustastis.  Alludit  ad  illud  Psal.  34:  Gustate  et  videte,  ete.  Hunc  vero  gustum  in  Christo  percipi  significat:  ut  certe  nullam  unquam  extra  Christum  requiem  animae  nostrae  invenient.  Duxit  autem  exhortationis  argumentum  a  Dei  bonitate,  quod  eius  suavitas,  quam  in  Christo  sentimus,  allicere  DOS  debeat.  Nam  quod  subiicitur:  ad  quem  accedentes,  non  simpliciter  ad  Deum  refertur:  sed  ipsum  designat  qualis  patefactus  est  in  persona  Christi.  Iam  vero  fieri  nequit  quin  nos  ad  se  totos  rapiat  Dei  gratia,  suique  amore  inflammet,  ex  quo  serium  eius  sensum  concepimus.  Hoc  si  Plato  de  suo  pulchro  affirmat,  eu  iusumbratilem  duntaxat  ideam  procul  intuebatur:  multo  verius  in  Deum  competit.  Hoc  ergo  notandum,  quod  Petrus  accessum  ad  Deum  cum  bonitatis  eius  gustu  coniungit.  Sicuti  enim  necessario  Deum  horret  ac  fugit  mens  humana,  quamdiu  rigidum  ac  severum  sibi  fingit:  ita  simul  ac  paternum  suum  amorem  patefecit  ipse  fidelibus,  nihil  restat  nisi  ut  posthabitis  omnibus,  seque  adeo  ipsos  obliti,  ad  eum  properent.  In  summa,  profecit  is  demum  in  evangelio,  qui  corde  ad  Deum  accedit.  Yerum  simul  ostendit  in  quem  finem,  et  qua  conditione  accedere  nos  ad  Christum  oporteat:  nempe  ut  in  ipso  fundemur.  Nam  quum  in  lapidem  constitutus  sit:  hanc  vim  erga  nos  proferat  oportet,  ne  frustra  et  inutiliter  quidquam  illi  a  patre  iniunctum  sit.  Occurrit  autem  scandalo,  quum  fatetur  ab  hominibus  reprobatum.  Nam  quia  bona  pars  mundi  Christum  respuit,  multi  etiam  ab  ipso  abhorrent:  posset  hac  occasione  a  nobis  contemni.  Quemadmodum  videmus  quosdam  imperitos  alienari  ab  evangelio,  quia  non  sit  ubique  plausibile,  nec  gratiam  suis  professoribus  conciliet.  Atqui  Petrus  minoris  Christum  a  nobis  fieri  vetat,  utcunque  sit  mundo  contemptibilis:  quia  nihilominus  suum  coram  Deo  pretium  honoremque  retineat.  5.  Tanquam  vivi  lapides  aedificamini.  Verbum  hoc  tam  indicativi  quam  imperativi  modi  esse  potest  Nam  apud  Graecos  quoque  ambigua  est  terminatio.  Caeterum  utrovis  modo  sumatur,  non  dubium  est  quin  hortari  Petrus  velit  fideles,  ut  se  in  spirituale  Deo  templum  consecrent.  Nam  a  fine  vocationis,  quale  nostrum  sit  officium)  apte  ratiocinatur.  Porro  notandum  est  quod  ex  universo  fidelium  numero  domum  unam  construit.  Nam  etsi  quisque  nostrum