52:233  233  DU  DERNIER  IOUR.  234  enfers  :  que  tout  tremble  sous  ceste  maieste  sou*  veraine  qui  est  en  luy,  et  laquelle  sera  cognue  par  les  contempteurs  de  l'Evangile:  mais  ce  sera  trop  tard  et  a  leurs  despens.  "Voyla  donc  ou  S.  Paul  a  pretendu,  disant  que  la  venue  de  nostre  Seigneur  Iesus  Christ  sera  redoutable.  Au  reste  notons  quant  et  quant  ce  qu'il  adiouste,  qu'ii  viendra  pour  estre  admirable  en  ses  saincts  et  pour  y  estre  glorifie.  Ce  n'est  point  sans  cause  que  8.  Paul  met  ceste  sentence:  car  qui  sommesnous  pour  porter  la  presence  du  Fils  de  Dieu,  quand  il  viendra  en  sea  ardant  et  en  flamme?  Quand  donc  il  viendra  avec  une  vertu  incomprehensible,  helas,  ne  faut-il  pas  que  nous  descoulions  devant  luy  comme  la  neige  au  soleil,  et  que  nous  soyons  reduits  a  neant?  Voyla  qui  nous  pourroit  abysmer,  quand  il  seroit  seulement  parle  de  ceste  gloire  Divine  de  Iesus  Christ:  mais  S.  Paul  nous  monstre  que  si  nous  sommes  du  rang  des  fideles,  et  que  nous  croyons  auiourd'huy  a  l'Evangile,  il  ne  faut  pas  que  nous  craignions  quand  Iesus  Christ  apparoistra,  ne  que  nous  soyons  effarouchez  de  ceste  maieste  qui  sera  alors  luisante  en  luy.  Et  pourquoy?  Car  il  viendra  (dit-il)  pour  estre  glorifie  en  ses  saincts  et  estre  rendu  admirable  en  eux.  Comme  s'il  disoit  que  ce  qu'il  a  parle  ci  dessus  de  feu  et  de  flamme,  ce  qu'il  a  parle  de  frayeur  et  espovantement,  cela  n'est  pas  pour  descourager  les  fideles,  qu'ils  ne  desirent  la  venue  de  nostre  Seigneur  Iesus  Christ,  et  levent  la  teste  toutes  fois  et  quantes  qu'on  leur  en  parle:  car  il  viendra  a  leur  redemption.  Et  c'est  une  doctrine  assez  commune  que  ceste-ci  en  l'Escriture  saincte,  ascavoir  que  nostre  Seigneur  conioint  ces  deux  choses:  qu'il  viendra  se  venger  de  ses  ennemis,  et  viendra  pour  delivrer  les  siens:  qu'il  viendra  pour  estre  Sauveur  de  ceux  qui  l'auront  servi  et  honore,  et  pour  abysmer  et  confondre  ceux  qui  se  sont  endurcis  contre  luy  et  sa  Parolle.  Retenons  bien  donc  que  ceste  description  terrible  qui  est  mise  ci  dessus  n'est  pas  pour  nous  effaroucher  :  mais  plustost  pour  nous  esiouir,  voyant  quelle  est  l'amour  et  la  grace  de  Dieu  envers  nous.  Voyla  nostre  Seigneur  Iesus  qui  viendra:  voire  avec  une  vertu  espovantable.  Et  pourquoy?  pour  abysmer  tous  ses  ennemis,  pour  faire  vengence  des  iniures,  opprobres  et  afflictions  que  nous  aurons  endurees.  Et  comment  sommes-nous  dignes  que  le  Fils  de  Dieu  desploye  ainsi  sa  maieste,  et  se  monstre  avec  un  tel  effroy  contre  ceux  qui  sont  ses  creatures?  Il  est  certain  que  non,  mais  si  est-ce  qu'il  le  veut  faire  a  cause  qu'il  nous  aime*  C'est  donc  ce  que  i'ay  desia  touche,  que  nous  devons  estre  consolez  quand  il  dit  que  le  Fils  de  Dieu  viendra,  voire  avec  une  telle  frayeur  et  maieste  si  horrible.  Car  en  cela  il  declare  par  effet  l'amour  infinie  qu'il  nous  monstre  et  porte,  puis  qu'il  n'espargne  point