50:233  233  CAPUT  IV.  234  admodum  angelorum  opera  nobis  gratias  suas  distribuit  Deus  :  ita  etiam  divinitus  excitantur  pii  doctores,  qui  bonum  omnium  longe  excellentissimum  nobis  administrent,  doctrinam  scilicet  aeternae  salutis.  Ergo  non  immerito  angelis  comparantur,  per  quorum  manus  talem  thesaurum  Deus  nobis  dispensat.  Deinde  vere  nuntii  Dei  sunt,  quorum  ore  Deus  nobiscum  loquitur.  Atque  baec  ratio  apud  Malachiam  habetur  cap.  2,  7.  Altius  adhuc  transscendit,  addendo  t  a  n  q  u  am  C  h  r  i  s  t  um  Iesum.  Nam  et  Dominus  ipse  non  aliter  ministros  suos  haberi  praecipit  ac  se  ipsum.  Qui  vos  audit,  me  audit:  qui  vos  spernit,  me  spernit.  Nec  mirum:  legatione  enim  pro  ipso  funguntur.  Itaque  personam  eius  sustinent,  cuius  vices  agunt.  Talibus  elogiis  commendatur  nobis  evangelii  maiestas:  et  ministerium  illius  ornatur.  Quod  si  secundum  Christi  mandatum  ita  honorandi  suot  ministri,  certum  est,  eorum  contemptum  ex  diaboli  instigatione  esse.  Et  certe  contemni  nequeunt  quamdiu  verbum  habetur  in  pretio.  Caeterum  frustra  hoc  praetextu  superbiunt  papistae:  nam  quum  sint  manifesti  Christi  hostes,  quam  ridiculum  est  arripere  plumas  servorum  Christi,  quibus  sese  venditent?  Ergo  qui  volunt  pro  angelis  coli,  officium  faciant  angelorum:  qui  instar  Christi  audiri  volunt,  purum  eius  verbum  fideliter  nobis  afferant.  15.  Ubi  igitur  beatitudo.  Innuit  tunc  fuisse  beatos,  qui  suae  beatitudinis  instrumentum  tam  pio  affectu  amplectebantur:  nunc  miseros,  qui  spoliari  se  patiantur  eius  ministerio,  cui  acceptum  ferre  debebant  quidquid  habebant  Christi.  Vult  enim  hac  admonitione  ipsos  pungere.  Quid?  an  hoc  totum  erit  perditum?  an  nihil  vobis  profuerit,  quod  semel  Christum  agnovistis  per  me  loquentem?  An  frustra  per  me  fundati  estis  in  fide?  an  nunc  defectio  gloriam  vestrae  obedientiae  coram  Deo  delebit?  Summa  est,  contemptu  purae  quam  amplexi  erant  doctrinae  ultro  abiicere  quam  adepti  erant  beatitudinem  sibique  accersere  exitium  quo  misere  pereant  Testimonium  enim  reddo.  Non  satis  est  exhiberi  pastoribus  reverentiam,  nisi  etiam  amentur.  Haec  enim  duo  sunt  necessaria.  Quia  alioqui  suavis  non  erit  doctrinae  gustus.  Utrumque  testatur  fuisse  in  Galatis.  De  reverentia  prius  dixit  :  nunc  de  amore.  Est  enim  rari  amoris  indicium,  oculos  eruere,  si  opus  sit.  Quia  plus  est  quam  vitam  profundere.  16.  Ergone  vera  loquendo.  Nunc  ad  se  redit  ac  negat,  sua  culpa  fuisse  factum  ut  mutaverint  animos.  Tametsi  enim  usu  tritum  est,  ut  veritas  odium  pariat:  non  tamen  odiosa  est,  nisi  malitia  et  pravitate  eorum,  qui  eam  non  sustinent  audire.  Se  igitur  ita  purgat  a  culpa  alienationis,  ut  eorum  ingratitudinem  oblique  perstringat.  Est  tamen  simul  amica  admonitio,  ne  temere  et  sine  causa  suum  apostolum  reiiciant,  quem  prius  unice  amarunt: