30:233  233  IN  L  LIB.  SAMUEL.  CAP.  XVII.  234  post  necem  dedecus  et  ignominiam  corporum  quae  sin��  honore  insepulta  iaceant:  sed  quum  non  tantum  giganti  illi  sed  reliquis  etiam  Philistaeis  idem  opprobrium  minatur,  spiritu  prophetico  et  speciali  revelatione  facere  certum  est.  Goliathus  quidem  sua  virtute  et  robore  fretus  insultabat  adolescenti:  sed  longe  aliter  David,  qui  sane  longe  impar  erat  viribus  illi  cum  quo  congrediebatur  :  sed  tamen  Dei  robore  fretus,  et  ab  ipso  speciali  ratione  confirmatus.  Quare  ne  cogitemus  temere  Davidem  loquutum  fuisse,  ut  multi  solent  in  vanum  Dei  nomen  assumere,  quasi  in  potestate  sua  Deum  haberent,  et  ab  ipso  regerentur,  a  qua  temeritate  sane  David  fuit  alienissemus,  sed  ut  ante  vidimus  spiritus  sancti  peculiari  motu  et  impulsu  Davidem  excitatum  fuisse,  sic  eodem  fretus  victoriam  de  hoste  sibi  pollicetur,  cuius  casum  reliqui  Philistaei  sequantur:  quemadmodum  et  contigisse  deinceps  videbimus.  Idcirco  nominatim  obiicit  isti  giganti  contumelias  in  Deum  ipsum,  quod  Israelitas,  quibus  ipse  Deus  praeest,  despexisset  et  opprobrio  habuisset:  quibus  verbis  indicat  impios  quum  adversus  Deum  blasphemant,  sibi  ipsis  malum  accersere.  Nos  itaque  discamus  tunc  maxime  assumendos  animos  in  mediis  afflictionibus,  quum  hostes  eo  deveniunt  impudentiae,  ut  nos  conviciis  et  contumeliis  afficientes  in  ipsum  Deum  et  verbum  ipsius  sint  contumeliosi:  quod  non  impune  laturos  ipsos  est  certissimum.  Exemplo  istud  confirmatur  Assyriorum,  quos  Deus  per  prophetam  quoniam  populo  Israelitico  insultassent,  praedicit  sua  manu  feriendos.  Nam  impurus  ille  Sancheribus  Ezechiae  regi  et  populo  sic  insultaverat,  ut  in  ipsum  Deum  blasphemas  voces  evomeret:  quamobrem  Deus  Ezechiam  per  prophetam  consolatus,  ait,  se  vindictam  de  profanis  illis  sumpturum,  his  verbis:  Sprevit  te  et  subsannavit  te  virgo  filia  Sion:  post  regnum  tuum  caput  movit  filia  Ierusalem,  Cui  exprobrasti,  et  quem  blasphemasti?  contra  quem  exaltasti  vocem  tuam,  et  elevasti  in  excelsum  oculos  tuos?  Contra  sanctum  Israel.  Deus  ergo  quia  Ierusalem  erat  in  ipsius  praesidio,  et  ibidem  regiam  sedem  erexerat,  minatur  se  quod  Assyrii  fiduciam  in  Deum  Israelis  Ezechiae  et  populo  superbe  exprobrassent,  vindictam  de  ipsis  sumpturum,  causamque  suam  defensurum,  et  in  ipsos  hostes  dedecus  derivaturum.  Quare  si  Dei  insignia  feramus,  et  non  ficte  neque  simulate  nomen  ipsius  invocemus,  et  alarum  ipsius  umbra  tegamur,  hostibus  linguam  adversum  nos  petulanter  exserentibus,  et  virus  suum  efflantibus,  et  triumphos  instituentibus,  imminere  ultimum  exitium  a  Domino  sciamus,  cui  sunt  propinquiores  quo  insolentiores.  Nos  itaque  tunc  tanto  magis  praesenti  animo  simus,  et  Davidis  exemplum  imitemur,  certo  persuasi  quo  magis  hostes  veritatis  et  purae  religionis  insolescunt  et  efferuntur,  et  blasphemis  vocibus  Dei  maiestatem  laedunt,  suum-