27:233  233  SUR  LE  DEUTER.  CAP.  XIII.  234  en  somme  Tordre  que  nous  avons  a  retenir,  selon  qu'il  nous  est  declaire  en  ce  passage.  Mais  notons  qu'il  nous  faut  avoir  tellement  les  aureilles  bouchees,  que  nous  ayons  en  detestation  tout  ce  qui  est  pour  nous  faire  fleschir  au  contraire  de  ce  que  nous  avons  apprins  par  la  parolle  de  Dieu.  Car  si  tost  que  nous  presterons  l'aureille,  nous  voila  desia  a  demi  corrompus:  comme  S.  Paul  en  la  seconde  des  Corinthiens  amene  ceste  similitude  d'une  femme,  'quand  elle  escoutera  un  maquereau,  ou  un  ruffien,  encores  qu'elle  ne  s'accorde  pas  si  tost,  si  est-ce  que  la  voila  desia  pervertie,  que  c'est  desia  un  mauvais  signe.  Car  si  une  femme  est  chaste,  et  pudique,  elle  repoussera  de  loin  tels  messages  qu'on  luy  pourra  faire  pour  la  seduire,  et  pour  luy  faire  rompre  la  foy  de  mariage:  qu'elle  aura  cela  en  detestation.  Or  sainct  Paul  dit,  que  quand  nous  persis  tons  en  la  simplicite  de  l'Evangile,  nous  sommes  comme  une  femme  chaste  qui  gardera  la  foy  et  loyaute  a  son  mari:  que  nostre  Seigneur  Iesus  Christ  qui  a  contracte  une  telle  alliance  avec  nous,  pour  nous  choisir,  afin  que  nous  soyons  de  son  corps,  il  nous  tient  des  siens,  et  nous  recoit.  Mais  quand  nous  escoutons  les  mensonges,  et  les  tromperies  qu'on  nous  apporte,  et  que  nous  ne  refusons  point  de  nous  enquerir  que  c'est  des  zizanies  :  voila  un  mauvais  signe,  nous  sommes  desia  corrompus.  Ainsi  retenons  bien,  que  tant  s'en  faut  que  nous  devions  consentir  aux  faux-prophetes,  que  nous  ne  les  devons  nullement  escouter:  qu'ils  doivent  estre  repoussez  bien  loin,  quand  nous  apparcevons  qu'ils  taschent  a  nous  seduire,  et  a,  nous  desbaucher.  Et  de  faict,  ceste  maudite  curiosite  a  este  cause  d'en  mener  beaucoup  en  ruine:  car  il  semble  a  beaucoup  d'outrecuydez,  que  tout  pourra  passer  par  leur  cerveau:  et  quand  ils  auront  beaucoup  phantastique,  qu'ils  suyvront  ce  qu'ils  trouveront  bon,  et  qu'ils  sont  assez  habilles,  pour  bien  discerner.  Or  nostre  Seigneur  voyant  une  telle  audace,  les  met  en  confusion.  Il  est  vray  qu'ils  voudroyent  s'enquerir  en  telle  sorte,  que  rien  ne  leur  eschappast:  mesmes  ils  voudroyent  mesler  l'Alchoran  de  Mahomet,  et  toutes  les  resveries  des  Payens,  et  les  superstitions  des  Papistes  avec  la  purete  de  l'Evangile,  et  en  faire  un  recueil,  pour  apres  avoir  bien  resve  en  leur  cerveau,  dire:  Voila  ce  qui  est  bon.  Or  nostre  Seigneur  (comme  i'ay  desia  dit)  ne  peut  souffrir  que  les  hommes  se  conflent  ainsi  en  leur  sens  propre:  et  d'autre  coste  il  ne  peut  souffrir  une  telle  iniure  qu'on  fait  a  sa  parolle,  quand  on  le  veut  parangonner  avec  les  astuces  de  Satan,  pour  dire:  Or  ca,  ie  choisiray  maintenant  ce  qui  me  semble  bon.  Que  l'homme  se  constitue  iuge,  ou  arbitre  par  dessus  la  verite  de  Dieu  que  les  Anges  adorent  en  toute  reverence:  c'est  monter